Os penaltis dan o pase na Copa da Raíña ao Ourense Envialia fronte ao Poio Pescamar nun partido moi igualado. O resultado ao final do tempo regulamentado foi de empate a tres goles. As táboas continuaron logo da prórroga, con dous temos de 3 minutos.
Na quenda de penaltis as ourensás foron mellores que as actuais subcampioas do torneo do KO impoñéndose por 3-4. Así, o equipo que adestra Morenín segue adiante na loita polo entorchado copeiro deste curso.
⚽️🏆 O @OUenvialiaFSF clasificouse para os cuartos de final da Copa da Raíña logo de impoñerse na quenda de penaltis ao @PoioPescamarfs pic.twitter.com/ysHeYGweKu
— En Xogo tvG2 (@EnXogo_tvG2) January 5, 2021
As vermellas arrancaron con forza pero non foron as primeiras en golpear. Non tiveron a fortuna anotadora doutras veces por mor do fantástico traballo defensivo posto en práctica polo Ourense Envialia. As de Morenín estiveron moi serias nas coberturas e no traballo defensivo en xeral. Baixo os paus, Vane Barberá estivo intratable, concentrada e efectiva conxurando o perigo.
O primeiro gol o asinaría Iria Saeta aproveitando un pelota que quedou morta tras a parada de Caridad. Corría o minuto 13, so un despois, empataba o Poio. O partido voltaba á igualada 1-1. Así se chegaría ao descanso.
A segunda parte foi de maior contundencia ofensiva do Ourense Envialia, pero como acontecera na primeira parte, o gol chegou para o outro equipo. Marcou o Poio Pescamar por medio de Iraia cun potente disparo que se colou pola escuadra.
A resposta e o 2-2 foi obra de Jenny Lores. Cun ritmo rápido o encontro púxose 3-2 cun gol e Ana Rivera no minuto 32. A un minuto do final, cando o Poio Pescamar xa acariñaba un novo pase á fase final da Copa da Raíña apareceu de novo Iria Saeta e deu ao traste coas aspiracións das xogadoras do conxunto conserveiro.
A falta dun minuto para o final Iria Saeta forzaba a prórroga empatando o partido. A cancerbeira do Poio Pescamar, Caridad, esforzouse ao máximo evitando que as ourensás perforasen a súa portaría no tempo de prórroga.
E logo da prórroga, chegaron os penaltis que sempre son unha lotaría. Tres grandes porteiras baixo paus (saíu tamén Silvia Aguete) e enormes xogadoras ao remate. Igualdade máxima e o premio do pase á fase final da Copa da Raíña lanzado como unha moneda ao aire. A cara foi para o Ourense Envialia que se impuxo 4-3 na quenda de penas máximas e celebrou o seu pase á fase final da competición. A cruz para un Poio Pescamar que, sendo o actual subcampión, e a piques de xogar a Supercopa, quedaba fóra da loita polo título este curso.
Final en A Seca 🔚 Gran partido de ambos equipos 🔝
Avanzamos de ronda tras la prórroga y sufriendo hasta los penaltis. @PoioPescamarfs 3 – 3 @OUenvialiaFSFLa 🍀 de los penaltis decidió. Agradecer el trato y desearles buen año al Poio. 🤝#CopaDeLaReinaFutsal #PoioOurense pic.twitter.com/mDKfxVvtaA
— Ourense CF #conOdeOurense 👌 (@Ourense_CF) January 4, 2021
Así e todo, no Poio Pescamar puñan o punto e final ao seu concurso nesta edición da Copa da Raíña con este vídeo que ten mensaxe de esperanza.
FICHA TÉCNICA
3) POIO PESCAMAR: Caridad, Luci, Irene García, Daniela e Ana Rivera – quinteto inicial-. Tamén xogaron: Silvia Aguete, Miri, Julia Dupuy, Iraia, Antía, Agostina Chiesa, Clara e Carol.
3) OURENSE ENVIALIA: Vane, Jenny Lores, Iria Saeta, Marta e Chiky – quinteto inicial-. Tamén xogaron: Alexandra, María, Laura Uña, María Arias, Judith, Carme, Susana e Andrea Feijoo.
GOLES: 0-1; Iria Saeta (m.13); 1-1, Dani Sousa (m.14); 2-1, Iraia (m.25); 2-2, Jenny Lores (m.28); 3-2, Ana Rivera (m.32); 3-3, Iria Saeta (m.40). PENALTIS: 3-4. Marcaron polo Poio Pescamar: Daniela, Antía e Clara. Anotaron polo Ourense Envialia: Judith, iria Saeta, Jenny Lores e María Arias.
ÁRBITROS: Amor Vizoso e Pérez Muñiz. Sancionaron con cartón amarelo a Ana Rivera e Miriam, por parte das locais, así como as xogadoras Iria Saeta e Marta, por parte da escuadra visitante.
INCIDENCIAS: Encontro correspondente aos oitavos de final da Copa da Raíña do Fútbol Sala feminino español disputado no Pavillón da Seca na localidade galega de Poio.
