A partir das 18:00 horas o Ourense Envialia xogará co CD Leganés no Pavillón Municipal de La Fortuna na localidade madrileña.
As galegas que adestra Gonzalo Iglesias, Morenín, queren sumar de tres e así non perder o paso na disputa por entrar nos catro primeiros postos da máxima categoría. Actualmente son sextas empatadas a 36 puntos co AD Arriva Alcorcón FSF que se enfronta ao Pescados Rubén Burela.
🏆🥇1DIV // J.23
📅 15/04
⏰ 18:00H@CDLeganesFS_Fem 🆚 OURENSE ENVIALIA FSF📍#Leganés
🏟 P.M. LA FORTUNATIENDA 👇https://t.co/jLoZYZVhew
Diseño: @BeaSeijasDiseno
🧡🚀 #imosOlio#ourensEnvialia #aForzaDoLobo #oNosoValor #libresParaSer #ubuntu #fsf pic.twitter.com/hSK3ZX0rCv
— Ourense Envialia FSF (@OUenvialiaFSF) April 13, 2022
Os postos de play-off están a tiro de pedra. O cuarto clasificado é o FSF Móstoles, empatado a puntos co Poio Pescamar. Ambos os dous equipos teñen 39 puntos polo que so un triunfo é a renda que teñen ante Ourense Envialia e AD Arriva Alcorcón FSF. Todo pende dun fío. Imposible tropezar, e necesario sumar cada de tres cada xeira competitiva.
As pepineras do CD Leganés caeron ao undécimo posto e suman 27 puntos polo que a loita polo título xa non parece a súa Liga.
Marta Figueiredo, a mellor fichaxe do Ourense Envialia
Nesta recta final da competición o Ourense Envialia conta cun reforzo de gran importancia, deportiva e anímica. Morenín puido xa alinear á capitá, Marta Figueiredo, diante do Uni Alicante o último partido disputado nos Remedios. A futbolista voltaba ás pistas logo dunha lesión. Trátase dunha deportista de calidade na pista pero tamén cunha grande dose de positivismo e liderado, polo que a súa volta semella que será un impulso en emocional para o bloque ourensá.
A deportista declaraba, a través da súa conta en Instagram, a súa felicidade ao regresar ao 40×20, na casa, co seu equipo e gañando. A casualidade quixo que a volta á competicion de Marta Figueiredo fose, xustamente, o día que se cumpría un ano da súa operación de ligamento cruzado anterior (LCA) que a tivo fóra de xogo durante estos meses.
Con todo, esta xornada Marta non poderá ser da partida neste caso por outro problema de saúde, que non ten que ver co cruzado, e que non debera alonxar á galega das pistas máis aló dunha semana.
Ver esta publicación en Instagram
