O Ourense Envialia comezou forte, pero non foi quen de aguantar o ritmo dun AD Alcorcón que aspira a clasificarse nos postos de play-off da Primera División. As galegas caeron derrotadas en casa por un 4-2 final.
O equipo que adestra o técnico galego Gonzlo Iglesias Morenín só estivo acertado ao pincipio e ao final do encontro, deixando escapar os puntos dun posible trunfo no paviilón de Los Cantos.
Un Envialia irregular sobre a pista de Los Cantos
Os primeiros minutos do partido tiveron cor amarela, co dominio do Alcorcón xogando como visitante. Isto non amedrentou ás ourensás, que foron quen de golpear primeiro cun gol no minuto catro grazas a Chiky. As futbolistas do Ourense Envialia iniciaban unha xogada de estratexia á saída dun saque de esquina que a xogadora foi capaz de finalizar no corazón da área.
O conxunto local tardou en reaccionar, mentres que as visitantes controlaban os tempos na pista. Porén, co paso dos minutos as ofensivas da AD Alcorcón FS aumentaban, poñendo contra as cordas a Vane. No tramos final da primeira metade as ourensás cometían dúas faltas seguidas. A futbolista galega Vane Sotelo, competindo como local, aproveitou a ocasión para poñer o empate cun gol desde os dez metros
Pouco máis adiante, de novo desde un dobre penalti, a galega superaba a cancerberira Vane Barberá e poñía o marcador a favor das alcorconeras.
Tras o paso por vestiarios, o conxunto alfarero acertaba na finalización poñendo terra de por medio ante as galegas do Ourense Envialia. O primeiro gol desta segunda parte foi tamén obra de Vane Sotelo a porta baleira tras aproveitar un balón repelido de Irene Samper. O segundo chegou con Cristina Ballesteros, nun robo de balón tras o erro na entrega de Jenny Lores na primeira liña de presión.
Nos últimos minutos do encontro, unha xogada en estratexia do Ourense Envialia batía a portería visitante, por mediación de Carmen quen anotaba ao segundo pau tras a prolongación de Chiky, que recibiu no primeiro.
O cadro de Morenín intentou recuperar o tempo perdido, pero o reloxo corría en contra das galegas e o partido finalizou con vitoria madrileña.
FICHA TÉCNICA
AD ALCORCÓN: Patri; Aída de Miguel, Vane Sotelo, Irene Samper e Laura Oliva – quinteto inicial -. Tamén xogaron, Nerea Moldes, Cristina Ballesteros, Claudia López, Pepa, Estela García (segunda porteira) e Paula.
OURENSE ENVIALIA: Vane Barberá; Chiky, Judith, María e Laura Uña – quinteto inicial -. Tamén xogaron, Iria Saeta, Jenny Lores, Paula e Carmen.
GOLES: 0-1, min. 4 Chiky; 1-1, min. 16 Vane Sotelo (dez metros); 2-1, min. 19 Vane Sotelo (dez metros); 3-1, min. 23 Vane Sotelo; 4-1, min. 25 Cristina Ballesteros; 4-2, min. 36 Carmen
ARBITRAXE: Jarque Ruiz e Manchado García do colexio madrileño. Amonestaron con cartón amarelo á visitante Jenny Lores nas filas do Ourense Envialia.
INCIDENCIAS: Partido correspondente á sétima xornada da segunda fase da Primera División, disputado no Pabellón Los Cantos, en Alcorcón.
