A XIV Copa Galicia xa ten segundo finalista. O Ourense Envialia FS será o rival do Pescados Rubén Burela no partido decisivo polo título copeiro galego que terá lugar no pavillón polideportivo da Gándara, en Narón.
As xogadoras que adestra Gonzalo Iglesias Morenín, xogará a gran final da Copa Galicia Feminina de fútbol sala tras derrotar no partido de volta das semifinais ao Poio Pescamar por un marcador de 4-1. Semella que as ourensás colléronlle a agulla de marear as de Poio xa que non hai moito que tamén as apeaban da Copa da Raíña da RFEF.
A pandemia de COVID-19 adiou tanto este encontro que a ida se xogou hai máis dun ano, o 26 de febrero do 2020 nas Seca. Xa choveu!
De feito, na súa dedicatoria do trunfo, Judith Pedreira, futbolista do Envialia, lembra no so as deportistas lesionadas como Marta Figueiredo ou Andrea Feijoo, senón tamén as compañeiras que xa non forman parte da disciplina do Envialia pero que fixeron posible que o club chegase a este momento competitivo.
SOMOS DE 🏆 ANTE LAS ADVERSIDADES… 🔋🚀 Por las que ya no están del año pasado que hicieron que llegaramos hasta aquí, por nosotrxs… Pero hoy en especial por vosotras @MartandoElHambr @andeonoandre @uxiary13 Orgullosa de todo el trabajo y esfuerzo, seguimos trabajando 💪🏽 pic.twitter.com/jSh8iFOEl3
— Judith Pedreira (@JudithPedreira) March 23, 2021
O inicio de partido foi frenético por parte do conxunto ourensá que case se podería decir que pechou o seu pase á finalísima antes de cumplirse o cuarto de hora de partido. As de vermello víronse sorpendidas polas chegadas e a efectividade das locais.
En 12 minutos, un gol de Judith Pedreira (min. 1), outro de Sara Moreno (min. 11) e un terceiro de Laura Uña (min. 12), antes do descanso puxeron a eliminatoria moi favorable para o elenco preparado por Morenín que ademais tiña o factor cancha ao seu favor xa que xogaba nos Remedios.
Co 0-0 do partido de ida, e a vantaxe que o equipo preparado por Gonzalo Iglesias Morenín adquiría co 3-0, todo semellaba de cara para as ourensás.
Na segunda metade as locais controlaron o xogo e deixaron pasar os minutos. Amosaron que non so tiñan chegada senon que tamén sabían controlar cunha boa presión os intentos do Poio Pescamar aque adestra Manu Cossío.
Con todo, o Poio Pescamar é un gran equipo e non vendeu doada a súa derrota. Igualouse o partido debido á mellor versión das visitantes que recurtaba distancias no electrónico grazas ao gol de Dani Sousa (3-1).
Malia todo, o Ourense Envialia FS non deu opcións ao conxunto poiense e a falta de cinco minutos para o final apareceu de novo Judith Pedreira para marcar o 4-1 que sería o resultado definitivo que locería no luminioso dos Remedios. Intentouno o Poio Pescamar co xogo de cinco nos últimos minutos, pero sen éxito.
Con este resultado, o conxunto ourensán asinaba o seu pase a gran final da Copa Galicia Feminina onde se enfrontará ao Pescados Rubén Burela, vixente campión da competición.
Aínda non se coñece a data de disputa da final da Copa Galicia
A final da XIV Copa Galicia Feminina de fútbol sala terá que modificar a súa data de celebración, segundo informa a Real Federación Galega de Fútbol.
Nun principio estaba previsto que Pescados Rubén Burela e Ourense Envialia FS disputasen o choque o 10 de abril, pero unha modificación no calendario de competición (a fin de semana do 10-11 de abril haberá liga en Primeira División e tanto as da Mariña como as de Ourense estarán inmersas na loita polo título) obriga á RFGF a fixar unha nova data.
O que non variará será o escenario, que será o pavillón da Gándara, en Narón. O recinto de Ferrolterra albergará a gran festa do fútbol sala feminino galego.
Rematou o partido de volta das semifinais da Copa Galicia 🏁@OUenvialiaFSF 4 – 1 #PoioPescamar (0 – 0 na ida)
A primeira metade foi moita losa e non puidemos acadar a final 😞
Noraboa ó Ourense Envialia 🤝#OurensePoio #CopaXunta pic.twitter.com/uweOMvDNbB
— Poio Pescamar FS (@PoioPescamarfs) March 23, 2021
FICHA TÉCNICA
4) OURENSE ENVIALIA FS: Vanesa Barbera, Jessica Diéguez, Iria Saeta, Judith Pedreira e Jennifer Lores – quinteto inicial -. Tamén xogaron: Moraima Iglesias, María Estévez, Paula Pereiro, Laura Uña, Carme Carballada, María Arias, Sara Moreno, Susana Campos, Alexandra Vázquez
1) POIO PESCAMAR: Silvia Aguete, Miriam Ruiz, Antía Pérez, Lucía Gómez e Ana Rivera Cháves – quinteto inicial -. Tamén xogaron: Caridad García, Julia Paz Dupuy, Iraia Arbeloa, Paula Agostina Chiesa, Daniella Oliveira Sousa, Irene García de Vega e Clara Rodríguez Gómez.
GOLES: 1-0 min. 1 Judith Pedreira Arias. 2-0 min. 11 Sara Moreno. 3-0 min. 12 Laura Uña. 3-1 min. 29 Daniella Oliveira Sousa 4-1 min 34 Judith Pedreira.
ÁRBITROS: Roberto Segundo Amor Vizoso, Daniel López López e Beatriz Martínez Godoy. Viu cartón amarelo a xogadora loacl María Estévez Martínez, mentes que pola escuadra visitante foron sancionadas con cartón amarello: Silvia Aguete, Clara Rodríguez, Daniella Oliveira e Antía Pérez.
INCIDENCIAS: Partido correspondente á ida da XIV Copa Galicia Senior Feminina de Fútbol Sala disputado no pavillón municipal dos Remendios en Ourense.
