As xogadoras o Ourense Envialia acadan a súa primeira vitoria da tempada 2020-21 na Primeira División Feminina de Fútbol Sala da RFEF. As galegas impuxéronse a domicilio ao Teldedeportivo FSF pola mínima. O 0-1 acadado en terras grancanarias devolve o sorriso ás ourensás.
Non foi doado este arranque de tempada para o Ourense Envialia. Aprazamento de partidos, positivos no entorno do equipo, semanas sen adestrar, pero o bo sempre custa máis e tarda en chegar. Esta fin de semana as futbolistas que adestra Morenín lograban o seu primeiro triunfo de liga neste curso 2020-21. Desde o club cualifican o resultado como unha “importantísima vitoria logo dun inicio de tempada moi complicado”.
Na súa visita a Gran Canaria, as pupilas de Morenín tiveron enfronte a un equipo moi ordenado en defensa e coas ideas claras no seu retorno á elite. As futbolistas que dirixe Cristina Gimeno puxeron sobre pista un xogo práctico. Foron intensas en defensa e buscaron profundidade cara á meta rival con balóns longos. Buscaban evitar unha vitoria visitante que finalmente, aconteceu.
1DIV // GR.A // J.2 // @Teldeportivo • OURENSE ENVIALIA FSF // CENTRO INSULAR DE DEPORTES // 24/10
Un pequeño vídeo de momentos del partido!!
¡Imos ó lío!#ourensEnvialia #ubuntu #imosOlio #morraOconto #libresParaSer #hastaElUltimoAliento #fsf #futsal pic.twitter.com/dRTeK9QJMq
— Ourense Envialia FSF (@OUenvialiaFSF) October 24, 2020
A voz cantante e a iniciativa correspondeu as galegas pero os minutos pasaban e os goles non chegaban polo que o Ourense Envialia empezou a intentalo tamén con tiros lonxanos. O resultado seguía a ser que o marcador non se movía do cero a cero.
Non foi ata que faltaban oito minutos para o remate que as galegas se puxeron por diante no electrónico. O tanto, obra de Marta Figueiredo, foi froito dunha “boa acción dentro da área”, contan desde o club ourensá. A futbolista galega clavaba a pelota pola escuadra e asinaba un tanto que, ao final, sería o único do encontro e daría o triunfo ao Ourense Envialia.
Nin o xogo de cinco polo que optou a adestradora local, Cristina Gimeno, a tres minutos do final logo de pedir tempo morto serviu para que as isleñas poidesen devolver a igualada ao marcador.
Debut de Carmen Carballada
Na lista de cousas positivas deste cruce para o conxunto ourensá está, ademais da vitoria, o debut na máxima categoría do FutSal estatal dunha novísima Carmen Carballada. A futbolista saltou á cancha con tan só 15 anos. Como dicían desde as redes sociais do club galego “Con traballo e alegría os soños cúmplense”.
DEBUT // 1DIV // CON TRABAJO Y ALEGRÍA HACE QUE LOS SUEÑOS SE CUMPLAN
En el partido de ayer, nuestra nueva incorporación esta temporada @carmencrguezz ha debutado con 15 años en 1ª división.
Nada que ella no se haya merecido.
Enhorabuena Carmen! #ourensEnvialia #ubuntu #fsf pic.twitter.com/NrsAaCctD8— Ourense Envialia FSF (@OUenvialiaFSF) October 25, 2020
FICHA TÉCNICA
TELDEDEPORTIVO: Marta, Naira, Dámaso, Collado y Paulita – quinteto inicial- Tamén xogaron: Marina Benete, Vanessa, Idoia, Gallegos, Andrea e Muni.
OURENSE ENVIALIA: Vane, Laura Uña, Marta, Sara Moreno y Jenny Lores – quinteto inicial- Tamén xogaron: Chiky, Iría Saeta, María Arias, Carmen e Andrea Feijoo.
ÁRBITROS: Santana e Almeida do Colexio de Las Palmas, auxiliados por Guaciamara Suárez coma xuíz de mesa. Viu cartón a futbolista local Paulita.
GOL: 0-1; min. 32: Marta Figueiredo.
INCIDENCIAS: Partido da segunda xornada de liga na Primeira División Feminina de Fútbol Sala celebrado no Centro Insular de Deportes de Gran Canaria diante de 250 espectadores, o aforo máximo permitido polas autoridades sanitarias debido á pandemia de COVID-19.
Morenín: “Tivemos que marcar un golazo para abrir a defensa do Teldedeportivo”
