Mañá venres 25, ás 20.00 horas, o Ourense Envialia xogará contra o AD Alcorcón no Palacio de Deportes José María Martín Carpena de Málaga o pase á final polo título de Primeira División Feminina de Fútbol Sala. O partido poderase ver a través da canle Teledeporte.
O precedente máis próximo entre ambos equipo é o 2-2 da undécima xornada da primeira volta, disputada o 23 de novembro en Os Remedios. Pero iso foi hai un mundo, cando non tiñamos pasado nin un confinamento ni a COVID-19 chegara ás nosas vidas para poñelas patas arriba. Nada será xa igual, incluídas as competicións deportivas que nestes tempos de pandemia dispútanse sen público nas gradas, sen afición alentando aos equipos na súa loita pola victoria.
O Ourense Envialia chega sen baixas á gran cita do play-off
Despois de tres meses de parón, a forma física na que chegan as xogadoras é unha incertidumbre. O periodo de preparación pasou seis semanas a tres, pero Morenín, adestrador do conxunto galego, afirma que “o equipo traballou ben e aínda que hai dubidas a nivel fisico, temos un plantel amplio e a todas as xogadoras dispoñibles”.
O martes adestraron por última vez en Galicia e hoxe exercitaranse en Malága. O adestrador do Ourense Envialia recoñece que as xogadoras están cargadas e cansadas do traballo final da semana pasada, pero esperan ter a todo o plantel dispoñible. “De todas formas, estamos adestrando con tres xogadoras do filial que nos están axudando moito e no caso de que houbese algunha lesión, incorporaríase algunha delas”, engade o técnico.
Morenín, adestrador do Ourense Envialia: “Isto é o premio a unha gran tempada. Estamos moi ilusionadas e con moitas ganas de competir, desexando que chegue mañá para xogar a semifinal”
O adestrador pensa que, no caso de pasar á final, xogar antes é unha vantaxe
Debido á renuncia do CD Futsi, o outro equipo galego na loita polo entorchado, o Pescados Rubén Burela FS, non xogará a súa semifinal accedendo directamente ao partido decisivo. Deste xeito as de Burela poderían chegar máis descansada ao partido no que se decidirá o título.
Pero a situación ten unha dobre lectura. Por outra banda, o conxunto laranxa chegará sen a carga nas pernas e o cansanzo de ter disputado outro partido dous días antes. Pero pola outra, tampouco chega con ritmo de xogo logo de tantos meses de parón. As da Mariña non coñecerán ata o domingo cal é o seu ritmo de partido e a forma física real do seu plantel.
Morenín, adestrador do Ourense Envialia: “Se xogamos a final, a parte do descanso e de ter competido antes, outro punto a favor é a nosa ilusión, que move montañas. Se a principio de tempada nos din que o domingo imos estar xogando a final, televisada por Teledeporte, non nolo creriamos”.
“Non sabemos calibrar o ritmo das xogadoras ou se nos habituraremos ben ao ritmo de competición, polo que imos ser optimistas e ver coma unha vantaxe poder xogar a semifinais antes”, comenta Morenín sobre esta cuestión. O técnico galego engandía que as ourensás faltaralles “medir como estamos fisicamente e logo, se pasamos a final, creo que ter un partido nas nosas pernas e con practicamente 48 horas de descanso será bó”.
O preparador apuntaba tamén ao factor anímico coma un punto máis a favor das da terra das Burgas: “Se xogamos a final, a parte do descanso e de ter competido antes, outro punto a favor é a nosa ilusión, que move montañas. Se a principio de tempada nos din que o domingo imos estar xogando a final, televisada por Teledeporte, non nolo creriamos”.
Xogar o play-off xa é un premio para o equipo ourensá
Sobre a presión de xogar un play-off polo título, o técnico ourensá recoñece que durante a semana sempre hai certos nervios, unha cóxegas na barriga, pero que chegado o momento de entrar a pista todo iso desaparece.
“Son un entrenador bastante tranquilo. Isto tomarémolo como un partido máis e intentaremos desfrutar de todo isto, porque creo que é unha gran oportunidade”, destaca o adestrador. “O equipo transmite boas sensacións. As xogadoras teñen que desfrutar, porque para nós isto é un premio e ,se conseguimos algo más, será un éxito incrible”, confesa o técnico.
Morenín, adestrador do Ourense Envialia: “O equipo transmite boas sensacións. As xogadoras teñen que desfrutar, porque para nós isto é un premio e ,se conseguimos algo más, será un éxito incrible”.