Este venres ata sete nadadoras galegas desprazaranse a Valladolid para disputar o IV Campionato de España Open Máster de Fondo. Do 14 ao 16 de maio a Piscina do CPTD Río Esgueva acollera ás deportistas do AD Fogar, Club del Mar, CN Rías Baixas e CN Liceo.
O torneo estatal contará coa presenza dun total de 84 clubs con 300 participantes, das cales 115 o farán en categoría feminina. Todas elas tiveron que ter acreditadas as marcas mínimas establecidas para poder acceder á competición. O programa inclúe tres probas: os 800 m libres, os 1.5000 e os 3.000.
Na primeira destas probas do Máster de fondo, dúas galegas competirán na categoría 30+. Son Cora Vinagre, da AD Fogar, e Paula Araujo, do Club del Mar. Nos 45+ competirá Laura Marcos, do CN Rías Baixas. A participación feminina galega finaliza nos 800 m. con María del Mar Terceiro, do Club del Mar.
Nos 1.500 m libre estará de novo Araujo, do club coruñés, e no 45+ participarán Sonia Braña, do CN Liceo, e a súa compañeira María Regueira.
A expedición galega para o Máster de fondo complétase nos 3.000 metros con Elisa Pichel, da AD Fogar, no 35+ e as nadadoras do Liceo, Braña e Regueira no 45+.
