A primeira xornada de tríatlon na cidade da Coruña finaliza co Náutico de Narón como campión do Campionato de España por clubs, e cun Cidade de Lugo Fluvial en segunda posición.
Esta competición celebrada en terras coruñesas correspondeu coa cuarta xornada da Liga Iberdrola, e o Náutico de Narón deu a sorpresa na clasificación. Antes da proba, as lucenses lideraban a táboa, pero a gran actuación das naronesas fíxolles capaces de arrebatarlles o primeiro posto.
Nas clasificacións individuais, a vencedora foi a catalá Sofía Aguayo, do Prat Triatló 1994, cunha prata para a galega Celia Santamaría, do Cidade de Lugo Fluvial e un bronce para Sara Guerrero, do Náutico de Narón.
🎥 A probá da primeira división femenina do Campionato de España de tríatlon en vídeo, con @TRIATLONSP✌️ pic.twitter.com/kGcMp0xaVF
— A Coruña Deportes (@coruna_deportes) June 19, 2021
Na xornada do domingo celebrarase o Campionato de España por Relevos Mixtos, así como o mesmo torneo en categoría talentos. Tamén terá lugar a Copa do Mundo de Paratríatlon coa presenza de Susana Rodríguez Gacio.
