O Maristas Coruña deu coa clave para vencer e agora non poden fallar. As coruñesas saben que cada partido é vital, polo que non poden desperdiciar a oportunidade de gañar ao colista, o Magec Tías. O encontro disputarase nas Canarias, o domingo, 21 de febreiro, ás 12:00 horas.
As herculinas dirixidas por Jorge Carreira eran o equipo en peor racha antes de xogar contra o Barakaldo na pasada xornada, pero despois de tres derrotas sufridas nos minutos finais, o Maristas Coruña deulle a volta ao guion. No partido ante as vascas, as galegas foron as que sumaron os puntos do trunfo afianzando o duelo na parte final do mesmo.
Así chegan as coruñesas ao que será un dos partidos máis relevantes para o seu futuro na Liga Feminina 2. Malia estar na novena posición con 26 puntos, aínda quedan seis xornadas por disputar sen contar encontros adiados, así que incluso o colista é un rival directo na permanencia.
O Maristas reencontrase coa vitoria vencendo nos instantes finais (72-64)
En peor momento chega o Magec Tías. Con tres derrotas consecutivas, as canarias son o farolillo vermello da competición desde novembro e non consiguen levantar cabeza malia algunha vitoria obtida polo medio.
Ademais, o plantel das locais deberá ser forte mental e físicamente esta semana. Antes de xogar o domingo ante o Maristas, deberá competir ante un rival aínda máis directo, o galego CB Arxil. As verdes e as canarias recuperan o venres, 19 de febreiro, o seu encontro adiado de decembro.
O Maristas xa gañou na ida
Nesta nova xornada competitiva, as coruñesas deberán repetir a fórmula que lles valeu unha vitoria ante o Magec Tías na primeira volta.
Malia a derrota visitante, Carolina Mateo foi a xogadora máis destacada do duelo, con 28 puntos de valoración. Seguirona de preto dúas galegas, Joana Pereira e Eugenia Filgueira, con 22 créditos cada unha delas.
O 20 de novembro as herculinas venceron por unha axustada marxe de catro puntos ás canarias, cun 80-76 final. Antes desta sétima xornada, o Maristas e o Magec ocupaban os mesmos postos que agora, novena e décimo cuarta respectivamente.
