Tras unha dura derrota contra o entón colista, o Maristas Coruña quere levantar cabeza no seu próximo partido en casa. Será o sábado, 5 de decembro, ás 20:30 horas fronte ao Osés Construcción Ardoi, o cuarto clasificado da Liga Feminina 2.
As coruñesas, cun balance de tres vitorias e cinco partidos perdidos, chegan a este duelo logo dunha derrota na que a súa baixa efectivade en ataque castigounas. Un erro que deberán solventar para o encontro contra as navarras, senón queren quedar atrapadas na parte baixa da táboa, que está moi disputada.
O cadro dirixido por Jorge Carreira está na novena posición, pero só a un punto do último clasificado, o Magec Tías Contra a Violencia de Xénero. Pola contra, o seu rival, que ven de perder moi dignamente contra o invicto Baxi Ferrol, suma 14 puntos tras seis vitorias e dúas derrotas.
Se o partido decídese a base de tiros libres, as locais contan a priori con vantaxe, xa que teñen unha efectividade lixeiramente superior. Con todo, o Ardoi é un conxunto compenetrado, que suma puntos co xogo en equipo, sendo o terceiro combinado con mellor media de asistencias da competición.
Ao seu favor, o club herculino confiará unha vez máis no xogo de Andrea Pérez, a cuarta máxima anotadora da categoría e terceira baloncestista mellor valorada, cunha media de 18,13 puntos por partido.
#LF2 Jornada 10
Maristas Coruña – Ardoi
Sábado 5 dic – 20:30
Pabellón de Maristashttps://t.co/8OuzAUtEpy@SomosABANCA @Deportegalego @FundEmalcsa @ConcelloCoruna @fdeportegal @Xunta @FGB_Baloncesto @coruna_deportes #NON #Maristas #ActitudparaAprender #ElSueñoContinúa pic.twitter.com/jGcEAsha4Q— Club Maristas Coruña (@MaristasCoruna) December 3, 2020
