O Maristas Coruña quere seguir sumando puntos na Liga Feminina 2. Tras deixar atrás a racha de derrotas cunha vitoria no último momento fronte ao Magec Tías, as coruñesas chegan con enerxía á cita contra o colista. O partido, que enfrontará ás xogadoras de Jorge Carreira coa Agrupación Deportiva Baloncesto Avilés disputarase o sábado, 28 de novembro, ás 20:00 horas.
As coruñesas confían en lograr a vitoria contra un contrincante que, en principio, semella máis asequible. Na anterior xornada o Maristas enfrontábase a un rival directo, pero grazas ao bo xogo de Cristina Pereira e Eugenia Filgueira, que entre as dúas anotaron 44 puntos e suman outros tantos de valoración, permitiu que os dous puntos quedasen na casa.
Enfronte terán a un rival que conta coa segunda xogadora que máis balóns recupera, Marcy de Sousa, cunha media de 2,33 por partido. A Agrupación tentará frear ao Maristas e a súa máxima anotadora, Andrea Pérez.
A xogadora, ademais de ser a terceira que máis puntos asina da categoría, cun total de 110 en sete partidos, é a que máis falta recibe, cunha media de 6,14 por partido. Así mesmo, Pérez é a quinta xogadora mellor valorada da Liga Feminina 2, por detrás de dúas galegas do Baxi Ferrol e unha baloncestista do Miralvalle.
O partido, que disputarase ás 20:00 horas no complexo deportivo avilés, será retransmitido polo Canal FEB e Vinxtv.
📢GAME DAY
🏀@ADBA87 & @MaristasCoruna
🏰Complejo deportivo Avilés.
📆 Sábado 28/11
⏰ A las 20:00
🎥 Retransmitido por:
📺Vinxtv
📺https://t.co/AHWTcGXnuy
🎤Narración a cargo de Alfonso Alonso @CanastAsturiana
🎁A partir de hoy hasta el sábado a las 20:00 nuestro concurso. pic.twitter.com/hODmxSLSCL— ADBA (@ADBA87) November 26, 2020
