O Maristas Coruña conseguiu 18 puntos máis que a AD Cortegada e levouse o triunfo nun partido que as aupa á novena praza e lles da folgos para mirar cara arriba na táboa clasificatoria. Pola súa parte as de Vilagarcía seguen no posto 12º, o terceiro lugar pola cola da LF2. O
As coruñesas, que veñen de ascender este ano, parece que aos poucos van afianzándose na Liga Feminina 2, aínda que desta volta fose a costa doutro equipo galego, o AD Cortegada ao que venceron por un tanteo de 73-55 na cidade herculina.
A AD Cortegada perdeu nesta ocasión ademais do partido o basketaverage coas coruñesas. Na ida, en Fontecarmoa, o Maristas Coruña perdera por 11 puntos (68-57)
A mellor xogadora do partido foi a lusa Joana Pereira Ferreira. A base das locais anotou 29 puntos e obtivo un 80% de porcentaxe de acerto en tiros de 2 e un 88% en tiros libres. A súa valoración foi de 25.
A saída á cancha do Cortegada, pouco metido no partido, fixo que o Maristas que adestra Jorge Carreira tomase vantaxe no arranque do choque e puxese costa arriba ás de Vilagarcía á remontada. Ao final do primeiro cuarto as locais xa vencía por un 29-14.
Máis centradas no segundo, as xogadoras da AD Cortegada acurtaron un chisco as distancias cun parcial de 14-18 que colocaba o partido 43-32.
Logo do descanso, xa no terceiro período o crono rematou co táboas 13-13 e co Maristas Coruña mantendo a súa vantaxe de 11 puntos co Cortegada. No derredeiro período as coruñesas volveron incrementar a súa renta cun 17-10 que deixou o partido no marcador final de 73-55.
Na vindeira xornada o Maristas Coruña mídese ao Extremadura Miralvalle Plasenc, mentres que o Cortegada recibe ao Celta Zorka Recalvi.
FICHA TÉCNICA:
MARISTAS CORUÑA: Laura Martínez García (2), Tatiana Casal (9), Eugenia Filgueira (7), Laura Cervelo (6) e Andrea Pérez – quinteto inicial – Tamén xogaron: Joana Cristina Pereira (29), Marina Feijóo (-), Lucía Galán (-), Mara Cortés (-) e Laura Shyrl Hughes (-) .
AD CORTEGADA: Patricia Vicente (7), Critina Loureiro (21), Zeltia Presas (3), Sara Gómez (7) e Tereza Sedlakova (13) – quinteto inicial – Tamén xogaron: Lorena Castro Rial (2), Miriam García Lesende (2) e Irene Montenegro (-).
PARCIAIS: 29-14, 14-18, 13-13 e 17-10.
ÁRBITROS: Alejandro Velasco Sánchez e Andrés Esteban Domínguez.
INCIDENCIAS: Partido da 16ª xornada da Liga Feminina 2 disputado no pavillón do Colexio Maristas en A Coruña.
