Primeira saída fóra de Galicia e primeiro triunfo a domicilio para o Maristas Coruña que vence a domicilio ao Vega Lagunera Adareva Tenerife por (68-73) logo dun partido moi disputado.
Custou pero o Maristas Coruña tráese da súa visita a terras tinerfeñas un triunfo baixo do brazo. As coruñesas tiveron que ir á prórroga xa que ao final do cuarto período o electrónico marcaba empate a 56 puntos entre galegas e laguneras.
O final do primeiro parcial xa remataba con empate a 17 e falaba da igualdade que había entre ambas escuadras na cancha e no electrónico. Os dous seguintes cuartos sería un para cada equipo. No primeiro as locais do Vega Lagunera Adareva Tenerife conqueriron un 11-8, mentres que no terceiro, á volta do descanso, as galegas remontaban cun 5-17. O partido chegaba ao cuarto periodo cun 33-42 a favor das coruñesas.
No que debera ser o último cuarto, as xogadoras do Vega Lagunera Adareva Tenerife apretaron ata facer un 23-14 e forzar a prórroga (56-56). Nesa prórrga o Maristas Coruña quedou cinco puntos por encima (12-17) e levouse o partido e os puntos para A Coruña.
A mellor das locais foi Gnere Alima Dembele con 20 puntos de valoración, foi tamén a máxima anotadora do partido empatada a puntos coa xogadora do equipo galego Andrea Pérez. As dúas asinaron 20 puntos pero a mellor do partido foi a deportista do Maristas que acadou 21 puntos de valoración.
As coruñesas son sextas con seis puntos e un partido menos que outras das súas rivais. As herculinas teñen pendente de disputar o encontra contra o Ulla Oil Rosalía correspondente á primeira xornada. Na segunda perderon co CB Arxil 67-73, e na terceira coa AD Cortegada por 68-57. Na fin de semana pasada acadaban o seu primeiro triunfo e facíano na casa contra o Extremadura Miralvalle Plasencia. As galegas vencían por 69-64.
Agora, no seu primeiro desprazamento fóra de Galicia, conseguen o seu primeiro triunfo lonxe da Coruña. Vese que as xogadoras da cidade herculina dáselles mellor os equipos non galegos, que son maioría entre dos rivais que teñen por diante.
Remamos, pero nos quedamos en la orilla. Resultado final: 68-73 puntos #LF2 pic.twitter.com/cV5kLqL1un
— CB Adareva Tenerife (@CBADAREVA) November 1, 2020
O partido entre laguneras e coruñesas foi trasmitido a través de Periscope e pódese ver nesta ligazón.
FICHA TÉCNICA
68) VEGA LAGUNERA ADAREVA TENERIFE: Gnere Dembele (20) Sendy Basaez (11), Isabel Martínez-Vara (-), Laura Ilunga Kabongo (14), Ainhoa Negrín (-) – quinteto inicial -. Tamén xogaron: Soledad Rodríguez (-), Noelia Ibáñez (12), María Luque (9), Aroa Villa (-), Yamile Rodríguez (2) e Claudia Reynes (-).
73) MARISTAS CORUÑA: Laura Martínez (6), Eugenia Filgueira (14), Joana Cristina Pereira (4), Laura Cervelo (9), Andrea Pérez (20) – quinteto inicial -. Tamén xogaron: Marina Feijóo (6), Beatriz Sanz (2), Tatiana Casal (10) e Mara Cortes (2).
PARCIAIS: 17-17, 11-8, 5-17, 23-14 e 12-17
ÁRBITROS: Nicolás Murillo Khon e Roger Pinyol Fuertes.
INCIDENCIAS: Partido correspondente á 5ª xornada de LF2. Disputado no Complexo Deportivo Islas Canarias en San Cristobal de La Laguna (Tenerife).
