Só un dos galegos na fase de ascenso á Primera División mantense con vida. O Marín Futsal gañou por un 4-9 ás ferrolás do Valdetires, vencendo o pase ao play off pola promoción.
As marinenses foron o primeiro conxunto que logrou vencer en Esteiro, cando o club ferrolán máis precisaba unha vitoria. Con este triunfo, o Marín viaxará a Madrid para disputar na Ciudad Deportiva de Las Rozas o ascenso ante o resto de vencedores dos grupos restantes.
Igualdade máxima na primeira parte
Antes do partido, o Valdetires presentábase como o equipo máis forte, co factor pista ao seu favor e tras clasificarse na primeira posición na fase anterior. Pola súa parte, o Marín lograra o pase nunha emocionante tanda de penaltis ante o Txantrea.
O panorama mudou en Esteiro. Ambos equipos deixaron ver un nivel moi similar na cancha, cuns primeiros minutos de xogo nos que a igualdade era máxima e as ocasións sucedíanse nas dúas porterías.
As locais lograron abrir o marcador no minuto 8, con gol de Erika en saque de falta, superando á gardameta contraria. Pero as ferrolás xa avisaran antes, cunha gran oportunidade no minuto 5 co seu xogo coral. Segundo máis tarde do gol do Valdetires, o Marín reaccionou igualando o partido, cun tanto anotado por María.
Nas seguintes xogadas as ferrolás seguiron intentando recuperar a vantaxe acadada nos primeiros minutos, pero foi o equipo visitante quen lle deu a volta ao marcador. No minuto 16, Café superaba á porteira local nun man a man para poñer ao seu equipo máis preto da vitoria.
Motivadas polo gol en contra, as futbolistas locales non deixaron ás rivais saborear a vitoria e en cuestión de segundos Paula Fandiño aproveitou un despiste visitante para anotar o segundo gol ferrolán. Lonxe de deixar o partido en empate, Ceci aproveitou a súa oportunidade nun rexeitamento na borde da área para anotar o 2-3 antes do pitido do descanso.
O Marín fíxose co control do partido na segunda parte
Tras o paso por vestiarios o equipo do Valdetires perdeu a concentración e os seus disparos non chegaban á rede contraria. Pola súa parte, o Marín aproveitou os erros rivais en dúas oportunidades que lle permitiron colocarse a tres goles de distancia no marcador. No mesmo minuto, Marta e Pau encamiñaban o duelo.
Os nervios comezaron a pasar factura no conxunto ferrolán, desenchufado do partido. A sorte local cambiou no minuto 26, cando Café intentou despexar un balón que acabaría por subir ao electrónico como tanto do Valdetires ao anotar en propia porta.
O cuarto das xogadoras da cidade departamental case chega intres despois da man de Yanira, pero o balón non chegou á meta. O Marín foi quen de aproveitar o momento para sentenciar o encontro, anotando dous goles máis, obra de Mar no 29 e outra vez Marta, no 33. Cinco minutos despois, María marcaba o oitavo.
Co 3-8, as locais xa non tiñan enerxía, pero presionaron para anotar o cuarto, que chegou grazas a Peli, ao bordo do final. Antes de que o colexiado pitara o remate do partido, Marta puido consumar o hat trick cun dorbe penalti, deixando o encontro no 4-9.
FICHA TÉCNICA
4) VALDETIRES FERROL FS: Andrea, Erika, Peli, Diana, Susi -equipo inicial-. Tamén xogaron: Yanira, Carol e Paula Fandiño.
9) ENCE MARÍN FUTSAL: Antía, Ceci, Café, Jessi, Pau -equipo inicial-. Tamén xogaron: Mar, Run, María León e Marta.
ARBITRAXE: Feliz Otero e López López, do comité galego. Tarxeta amarela ás locais Susi, Diana, Carol, Peli, Erika e o delegado; nas visitantes viuna Jessi.
GOLES: 1-0, min. 8: Erika; 1-1, min. 8: María; 1-2, min. 16: Café; 2-2, min. 16: Paula Fandiño; 2-3, min. 17: Ceci; 2-4, min. 22: Marta; 2-5, min. 22: Pau; 3-5, min. 26: Café, (propia porta); 3-6, min. 29: Mar; 3-7, min. 33: Marta; 3-8, min. 38: María; 4-8, min. 38: Peli; 4-9, min.40: Marta, (dobre penalti).
INCIDENCIAS: Final galega do grupo 1C celebrado no pavillón de Esteiro, ante 70 persoas.
