A despedida da Ok Liga 2022-23 do HC Deportivo Liceo como local será xogando no Pazo dos Deportes de Riazor hoxe, sábado 22 de abril, a partir das 20:00 horas. O rival será o Martinelia CP Manlleu.
Salvo Bea Gaete, baixa por lesión, Stanis García conta con todas as xogadoras á súa disposición para este choque. O conxunto coruñés do HC Deportivo Liceo está colocado na sexta praza da táboa clasificatoria da Ok Liga Iberdrola (36 puntos) e o seu rival, o Martinelia CP Manlleu é cuarto (49 puntos). Ambos os dous estarán no play-off.
Este cruce entre galegas e catalás poderá seguirse ao vivo no Pazo dos Deportes de Riazor (A Coruña), pero tamén pola OK Liga TV.
