A Escola de Fútbol Feminino Rosalía foi a anfitrioa dun partido benéfico contra o CD Lugo, no cal recaudáronse fondos para Pequenos Superheroes, unha asociación de familias de nenas e nenos con miopatía miotubular e CNM.
O resultado final deste encontro, organizado por García e Rodríguez Construcións e Proxectos, foi un 0-4 a favor das lucenses, pero o máis importante foron os 1.900 euros recadados, a falta de contabilizar as donacións da Fila Cero.
O CD Lugo foi superior ao longo do amigable
O encontro comezou marcado pola imprecisión de ambos equipos, e co nerviosismo das xogadoras locais, que intentaban controlar o partido. Pasados os minutos, o Rosalía sentíase máis cómodo na casa, pero o Lugo era quen de xerar ocasións de perigo. A presión visitante resultou no minuto 20 no primeiro gol do partido, a raíz dunha saída en falso de Rocío, que anotaba a porta baleira.
As ourensás eran capaces de repoñerse ao golpe, e tiveron oportunidades de empatar o marcador, pero a gardameta rival Luz Ferreiro non tivo que salvar ningún balón. Antes do descanso, Esther aproveita un mal despexe defensivo para darlle a asistencia a Rebolo que poñía o 0-2.
Tras a pausa, o Rosalía tiña o balón e as ocasións, incluso desde o punto de penalti da man de Zaira, pero que Judith foi quen de parar en dous tempos. A diferenza de calidade era xa patente, e Esther, desta vez pola banda, realizou un centro transformado en gol por Rebolo co seu remate.
Xa co 0-3 no marcador, a dianteira lucense aproveitou para anotar un hat trick. De novo Esther protagonizaba un roubo no centro do campo, rachando a defensa local e colocando o balón a Mery, que asistiu a Rebolo.
As análises dos adestradores
O técnico local, Miguel Saa, declarou no postpartido as súas impresións sobre o mesmo. “Elas foron superiores pola claridade na súa idea de xogo. Visto o partido, o Rosalía levou a voz cantante do choque pero, os nervios novamente, e a falta de atrevemento favoreceu a diferenza do marcador”, aseguraba.
Miguel Saa (Rosalía): “O Rosalía levou a voz cantante do choque pero, os nervios novamente, e a falta de atrevemento favoreceu a diferenza do marcador”
Do rival, o CD Lugo, destacou a calidade de Esther, da que declarou que “acabou por definir o resultado”, e tamén sinalou o nome da cancerbeira, Judith, “que ao parar o penalti fixo que perdésemos a oportunidade de meternos no encontro”.
Sobre o seu propio equipo, o técnico subliñou como quixo “mandar no xogo”, pero esta intención viuse freada polo nerviosismo co balón. “Volvemos regalar os primeiros 25 minutos, pese a todo non podemos negarlles ás mozas o esforzo e o sacrificio que fan partido tras partido”, concluía Saa.
Pola súa banda, Joaquín Blanco, adestrador do CD Lugo, entendeu este amigable como “un adestramento máis, xa que levamos moi poucas sesións pois só é a terceira semana que levamos adestrando e entón serviunos para coller máis rodaxe e coller tamén minutos”. As lucenses levan desde o 8 de marzo do 2020 sen xogar.
Respecto ao amigable, o técnico lucense non considera que houbera unha gran diferenza de nivel entre os dous equipos, e alabou o estado do rival.
Joaquín Blanco (Lugo): “Creo que foi un partido moi parello e para os dous equipos, dentro das súas cousas, para seguir traballando agora que empeza tempada inmediatamente”
“O Rosalía está moi ben traballado, tamén se noutou os dous ou tres partidos que xa levan de pretempada e que teñen máis ritmo pero, ao final pois si, a categoría tamén cho dá dentro das áreas á hora de marcar os goles pero creo que foi un partido moi parello e que para os dous equipos, dentro das súas cousas, para seguir traballando agora que empeza tempada inmediatamente”, analizaba.
Para Blanco, a clave estivo nas zonas de diante, con xogadoras que chegaron a competir en Nacional, e das cales a súa calidade foi moi importante.
Revive da man do Youtube do Concello de Ourense o amigable entre o EFF Rosalía e o CD Lugo.
