O Club Lóstregos de Lugo compite xa na fase de ascenso de Liga Nacional Oro feminina a Liga Élite e o seu futuro preséntase moi esperanzador. Con dúas vitorias de dous, as lucenses son favoritas para a promoción.
Na primeira sede o Lóstregos enfrontouse na xornada de mañá ao Skulls de Almassera, conseguindo un marcador a favor de 3-2 e na xornada de tarde xogou contra o Tucans, o cadro local, cun resultado final idéntico, de 3-2. Desta maneira, as galegas son líderes de grupo.
Na próxima semana, o Lóstregos viaxará a Vilarreal para disputar as próximas xornadas, contra o Valladolid – Gatas e, de novo, contra o Asme Tucans. As de Lugo teñen pendente ademais o encontro co Panteras UEMC, encontro que tivo que ser aprazado. Así as cousas, con once puntos, as lucenses son líderes, a cinco puntos das seguintes, as Panteras.
O Meigas loita por non descender
Na Liga Nacional Oro tamén competiu outro conxunto galego, o CHL Meigas. Porén, a súa claficación na parte inferior da táboa levounas a loitar na segunda fase por non descender.
Con todo, actualmente son o equipo mellor situado, sendo cabezas de grupo, ao sumar un trunfo 0-2 contra o Lobas – Granja Pinilla.
Para a sede 4D, o Meigas será o anfitrión. As tamén lucenses disputará tres partidos importantes, xogando o sábado, 6 de febreiro, contra o CDE Sobre Ruedas en xornada de mañá e contra o CP Alas Sagunto en xornada de tarde. O domingo o rival será o Metropolitano CHL.
Todos estes partidos retransmitiranse vía streaming a través o Facebook do club.
