Non todo foron malas novas no 2020. O pasado mes de xuño, na localidade viguesa de A Gándara, unha nova escola de fútbol feminino botaba a andar. Trátase do Lóstrego CF, que tras meses de preparación, debutará nun partido amistoso este domingo ás 12:00 horas contra a EFF Rosalía.
Apoiar á muller no deporte e aumentar a súa presencia no fútbol é o obxectivo común que comparten estas dúas escolas de fútbol que, con equipos base e senior, facilitan o acceso das mozas a participar no deporte rei.
O Lóstrego, un equipo novato e ilusionado
A pretempada do novato Lóstrego comezou xa en setembro e, desde entón, levan semanas adestrando entre máscaras e medidas de protección sanitaria. Agora, con camisola branca e azul, as futbolistas do cllub vigués debutarán xa como conxunto en no campo de fútbol de Chaín este 17 de xaneiro.
As futbolistas xa pasaron os test COVID-19 correspondentes, como veñen facendo cada dúas semanas, e cos resultados negativos xa están listas para disputar o primeiro duelo. Xa nunhas semanas, estrearanse na Segunda Autonómica cun plantel formado por exfutbolistas do Valladares.
O seu debut será ante público pero, debido ás medidas sanitarias, é preciso reservar a entrada co Lóstrego cun email a lostregocf@gmail.com ou nos números: 650 27 41 4 ou 654 86 00 35.
O Rosalía está na súa terceira tempada
Pola súa parte, o Rosalía, creado no curso 17/18, competirá esta tempada na Segunda Autonómica, categoría que presumiblemente comezará a mediados de febreiro. As ourensás comezaron xa a pretempada nos primeiros días de setembro, pero tiveron que interrumpila polas medidas tomadas por mor da COVID-19 en Ourense.
Así, tras 66 días sen pisar o céspede, as xogadoras da EFF Rosalía voltaron aos adestramentos nunha segunda pretempada iniciada a finais de novembro. Desta forma, e coa competición aínda a un mes, esta será unha primeira toma de contacto do conxunto nun partido e servirá para medir o nivel deportivo do equipo ourensán.
⚡DOMINGO muy especial⚡
Después de muchos meses de trabajo este fin de semana jugamos nuestro primer PARTIDO amistoso.
¡Recuerda reservar tus entradas con antelación y ven a disfrutar de un gran día de fútbol con nosotras!
Esto empieza! 🚀#futfem #BienvenidasALaTormenta pic.twitter.com/L2Mo4bercp
— Lóstrego CF Gondomar (@LostregoCf) January 11, 2021