O Autos Cancela Zalaeta estaba en racha ata que chegou o VP Madrid para rompela. As galegas chegaban de dúas vitorias ante rivais madrileños pero as líderes da competición non se deixaron vencer (3-1).
As locais tiveron que loitar ata os minutos finais para facerse co partido, ante un equipo coruñés que foi quen de aguantarlle o pulso.
O Zalaeta foi superior en ataque pero cometeu máis fallos
Xa no primeiro set ambos equipos deixaron ver o seu alto nivel sobre a pista. Tanto foi así, que os 25 puntos habituais non foron suficientes para decidir o gañador da primeira manga, que se foi ata o 28-26 a favor das madrileñas.
O segundo set seguiu unha tónica similar, marcada pola igualdade. O Zalaeta seguía apretando e xogando con éxito nos ataques e nos bloqueos, pero sen lograr poñerse por riba. Así, o segundo tempo tamén foi para as locais.
A sorpresa chegou no terceiro set, cando as galegas por fin fixéronse co partido, preparando o terreo para unha posible remontada ao gañar de tres puntos ao VP Madrid.
Porén, as madrileñas afianzaron a súa décimo terceira vitoria na cuarta manga. Lideradas pola oposta Ane, unha das mellores da competición, as invencibles líderes da Superliga Femenina 2 (SF2) de voleibol sumaron outro trunfo máis esta tempada. Con todo, é salientable que se ben ningún equipo foi quen de gañar ás madrileñas, o Zalaeta foi un dos poucos que lle arrebatou un punto.
Neste partido, os erros propios castigaron de máis ás xogadoras de Jorge Barrero, que foron superiores en ataque, pero máis floxas nos saques e comentendo máis erros que as rivais. Nas súas filas destacaron Alba Quirós e Laura Vázquez, con 19 puntos cada unha.
Á fin deste encontro, o Zalaeta ocupa a quinta posición, con 20 puntos, empatadas coas cuartas, a seis das terceiras e nove das segundas. O líder, o VP Madrid, queda con 36 puntos.
FICHA TÉCNICA
3) VP MADRID: Ane (36), Laura (6), Aurora (16), Lúa (5), Raquel, Luisa (8) e Ana (10) –equipo inicial–. Tamén xogaron: Alba, Violeta, Isabel, Pilar, Esther e Ainara.
1) AUTOS CANCELA ZALAETA: Cristina (4), Alba (19), Ele (13), Andrea (3), María (9), Laura Vázquez (19), Noa e Paula –equipo inicial–. Tamén xogaron: Patri, Carla (9), Susana, Carlota e Iria.
PARCIAIS POR SETS: 28-26 / 25-23 / 22-25 / 25-19 (3-1).
ÁRBITRA: Barceló Trigueros.
INCIDENCIAS: Partido correspondente á xornada 15ª da Superliga Feminina 2 disputado na pista do CDM Entrevías.
