Fin de semana, de primeiras, compricado para o equipo lucense. O Ensino recibe na casa, no Pazo Provincial dos Deportes, ao líder da Liga Endesa na xornada 17, o Spar CityLift Girona. Será o domingo 19 de xaneiro, ás 18.00 horas.
A pesar de ir primeiras na máxima competición feminina de baloncesto, o Girona vén de perder na súa cancha o fin de semana anterior contra o IDK Gipuzkoa, undécimo na táboa, por tan só unha canastra (53-55). Sendo esta a súa segunda derrota na liga.
“Vai ser un partido moi difícil. Sabemos que Girona non vai chegar no seu mellor momento e ten fichaxes que aínda se están adaptando. A fin e o cabo, é un partido contra o líder no que teremos que dar unha boa imaxe”, falou o adestrador do Ensino en rolda de prensa, Carlos Cantero.
O equipo catalán non contará cunha das súas estrelas: Helena Oma. No segundo cuarto do partido, da xornada 15, a xogara sufriu unha lesión múltiple no xeonllo esquerdo co ligamento anterior. O que fai que non poida estar presente nesta cita. Ademais, tampouco estará Britanny Sykes.
No primeiro partido (xornada 4) no que se enfrontaron estes dous conxuntos (Ensino e Girona) nesta tempada 19/20, a americana endosou un total de 19 puntos, sendo a máxima anotadora do seu equipo. O equipo directivo do Spar anunciou a principios de mes que a xogadora forzou a súa marcha para probar a liga turca, no Cukovora.
Rememorando esa xornada 4, o equipo lucense non se quedou moi lonxe das xironesas. Perderon de oito no pavillón municipal de Girona Fontajau. “A clave para acadar a vitoria nesta ocasión é ver o estado físico no que chegan, xa que xogaron o partido da Euroliga, aproveitar en coller todos os rebotes e beneficiarnos do tiro exterior”, explicou o adestrador lucense.
A xogadora que non nos cabe duda que estará no plantel do Citylift é a nosa galega, María Araújo. A viguesa comezou nas categorías base do Celta Zorka Recalvi. Pero tamén estivo baixo as órdenes de Lino López no Baxi Ferrol durante tres tempadas, nas cales tamén estaba a xogadora do Ensino, Bea Sánchez.
Durante un ano, foi a probar sorte na Basket Liga Kobiet, no Wisla Cracovia. Pero tras recibir a chamada do conxunto catalá regresou á Liga Endesa. No seu palmarés ten un Mundial de Baloncesto Sub-17 e dous ouros no Campionato Europeo Sub-18 e no Sub-20 coa selección feminina de baloncesto.
Primeiro partido para Britanny Dinkins na Liga Endesa
O adestrador do conxunto da cidade amurallada conta con todas as súas xogadoras para esta gran cita. Mais este domingo disfrutará do novo fichaxe, anunciado por As Nosas o pasado mes de decembro, Britanny Dinkins xa está en Lugo.
“O martes incorporouse. As sensacións son moi boas. Viña cansada da viaxe e do jet lag. Co descanso do mércores pola tarde e da mañá do xoves, verase mellor na cancha o domingo”, apuntou Carlos Cantero sobre a ala-pivot.
Agora no plantel son dez. “Facíanos falta. Súbenos o nivel do adestramento, o nivel do vestiario e a nivel competitivo. Teremos que ver como xoga pero non creo que saía nada mal e será parecido ao que tiñamos con Star Breedlove” di Cantero.
Ademais, tamén fixo unha análise da xogadora: “Baixo o punto de vista táctico, creo que fisicamente está mellor que Breedlove. É unha xogadora intensa en defensa e disciplinada e ten moita facilidade de anotación”.
DATOS DE INTERESE
DURÁN MAQUINARIA ENSINO: Britanny Miller, Fiona O’Dwyer, Bea Sánchez, Ainhoa López, Laura Aliaga, Kalis Loyd, Atonye Nyingifa, Sheeresha Richards, Aleksandra Stanacev e Britanny Dinkins.
SPAR CITYLIFT GIRONA: Tijania Andusi, Nuria Martínez, Laia Palau, María Araujo, Marta Xargay, Magali Mendi, Naignouma Coulibaly, Adaora Nnenna Elonu e Sonja Vasic.
DÍA E HORA: 19 de xaneiro, ás 18.00 horas.
CAMPO: Pazo Provincial dos Deportes – Lugo
ÁRBITROS: Ángel de Lucas de Lucas, Alejandro López Lecuona e José María Olivares Bernabeu.
INDICENCIAS: Partido corresponde a xornada 17 da Liga Endesa.
