Primeira das dúas xornadas consecutivas que o Poio Pescamar exerce de equipo local na liga. As vermellas reciben ao Arriva AD Alcorcón, líder da competición e que conta os seus partidos por vitorias con 24 goles a favor e 8 encontra. Será hoxe, sábado 21 de outubro, ás 17:30 h en Poio.
Será unha boa proba de nivel para o equipo galego, despois da dura derrota colleitada en casa do Viaxes Amarelle FSF, coa que o Poio Pescamar curtaba a súa serie de dous triunfos seguidos (tres, contando o de dezaseisavos de Copa da Raíña). As conserveiras son undécimas con dous partidos gañados e tres perdidos en Liga, sumando 8 goles a favor e 12 en contra.
Na Coruña debutou Saki, mentras que para a convocatoria desta fin de semana contra da Arriva AD Alcorcón estará na lista a última fichaxe: Carla Ayensa. Ademais, Pelé anotou o seu primeiro gol na Copa, polo que o grupo vaise completando, a falta de recuperar das súas lesións a Marta e a Anna.
Por parte do equipo dirixido por Guillermo Camarón, pleno ó 15 en puntos tras gañar a Futsi, Rayo, Melilla, Amarelle e Alcantarilla. Tamén se clasificaron para oitavos de final da Copa. Con 24 goles son o conxunto máis anotador, habendo encaixado 8 (cuarta escadra menos goleada).
A actual pichichi milita no Arriva AD Alcorcón
Reforzadas con fichaxes de primeiro nivel como Peque, Vane Sotelo ou Guti, no Arriva AD Alcorcón teñen nas súas filas á pichichi actual da liga, Clau López (8 goles). Todo iso dá conta do nivel do rival e da importancia de vencerlles, máis en moral que en puntos.
Dende que as conserveiras subiron á Primera División, nas 20 veces que Poio Pescamar e Arriva AD Alcorcón se teñen enfrontado, houbo máxima igualdade de resultados (9 vitorias para cada club e 2 empates). Dos últimos catro duelos, venceron as galegas tres, con táboas na Seca no curso pasado. A última vez que gañaron as de Alcorcón foi precisamente na Seca cancha, por 1 -3 o 29 de maio de 2021.
