Van seis, suma e segue. O HC Deportivo Liceo colleita a súa sexta vitoria consecutiva na Ok Liga e amosa un bo estado de forma pese. Tiveron as verdibrancas que afrontar máis partidos cas súas últimas rivais dunha intensa semana na que chegaron a disputar tres encontros. Pola contra, o Cerdanyola chegaba a Riazor logo de dúas semanas sen competir.
O triunfo das liceístas ante o Cerdanyola CH Feníe Energía foi cun tanteo de 4-2. Este resultado mantenas na sétima praza con 28 puntos. O empata 4-4 do Orkla Bigues I Riells co Sant Cugat permítelles aumentar a súa renda coas oitavas.
O primeiro achegamento a porta con perigo foi unha bóla parada de Gemma Solé. Unha falta directa que non acabou en gol. Non pasarían ni tres minutos de partido e Adriana Soto anotaba para o HC Deportivo Liceo o primeiro da tarde (1-0).
O segundo asinouno María Sanjurjo que tivo en Alba Garrote a compañeira ideal para armar unha contra letal para o Cerdanyola (2-0)
Viki Caretta volveu ser un seguro baixo paus para as liceístas. A nada para o descanso a gardamallas do conxunto coruñés volvía desabaratar unha ocasión de Gemma Solé que se desesperaba ao non ver porta.
O regreso a pista foi continuista. Defensa sólida resgardada por unha gran Viki Caretta na portaría, mentres, en ataque, as xogadoras que prepara Stanis García aproveitaban as súas oportunidades.
Traballo defensivo, sumado a efectividade en ataque. Unha mezcla que adoita a dar resultados favorables, e así foi.
O terceiro gol do partido asinouno Cris Diz que facía o 3-0 no minuto 31. Non faltou o segundo da goleadora liceísta, Adriana Soto, que anotaba un penalti no minuto 37 de xogo (4-0).
Parecía unha ampla renta pero no hóquei as xogadas son tan rápidas que un partido que parecía seguro pode derivar nun tropezo en minutos. Así, o potencial do Cerdanyola CH Feníe Energía permitiulle as catalás reaccionar. Por sorte, xa era tarde. Chegaron a colocarse a dous goles 4-2 pero non houbo tempo para máis.
Seguinte reto do Liceo, o Palau
O vindeiro compromiso do HC Deportivo Liceo levará ás coruñesas a visitar ao cuarto clasificado, o Generali HC Palau de Plegamans, será o vindeiro domingo 20 de marzo ás 13:15 horas.
FICHA TÉCNICA
4) HC DEPORTIVO LICEO: Viki Caretta; María Sanjurjo, Alba Garrote, Lara Yáñez e Adriana Soto – quinteto inicial -. Tamén xogaron: Ale Martín, Luchy Paz, Lucía Yáñez, Cris Diz e Mencía Mosquera.
2) CERDANYOLA: Mariona Surós; Joana Xicota, María Figuerola, Adriana Gutiérrez e Gemma Solé – quinteto inicial -. Tamén xogaron: Laia Pera, Ariadna Carrión, Abril Batlle e Carla Batlle.
GOLES: 1-0 (Adriana Soto, min. 13). 2-0 (María Sanjurjo, min. 18). 3-0 (Cris Diz, min. 31). 4-0 (Adriana Soto, de penalti, min. 37). 4-1 (Joana Xicota, min. 39). 4-2 (Joana Xicota, min. 46).
ÁRBITRO: Lorenzo Bosch Sande. Auxiliar Francisco Javier López Quinteiro. Cronometrador Cristian Fernández López. Amosou cartón azul ás xogadoras liceístas María Sanjurjo e Adriana Soto, así como á patinadora visitante Adriana Gutiérrez.
INCIDENCIAS: Partido correspondente á 17ª xornada da OK Liga Feminina 2021/22 disputado no Pazo dos Deportes de Riazor na Coruña. As xogadoras coruñesas saltaron á pista cunha camiseta na que enviaban folgos á súa compañeira Bea Gaete, que foi operada esta semana dunha lesión muscular.
