O HC Liceo afrontaba a derradeira xornada ligueira co obxectivo do ascenso xa acadado, e coa mente posta en proclamarse campioas da OK Liga Prata. As coruñesas conseguiron unha vitoria 7-0 ante o CPP Raspeig, logrando así a segunda meta do curso.
O conxunto dirixido por Carlos Loureiro tiña como último rival da tempada ao colista, un rival fráxil e con números pobres, inferior ao nivel das verdibrancas.
Vitoria contundente do Liceo para finalizar o curso
Desde o comezo do encontro, o Liceo soubo como facer dano en ataque ás visitantes, á vez que mantiña unha sólida defensa. Naiara Vaamonde foi a encargada en abrir a lata coruñesa, cun tanto aos seis minutos do inicio.
Minutos máis tarde, a xogadora local anotou o segundo, deixando claro o dominio galego na pista. No 25, Luchy Paz fixo subir outro tanto ao marcador herculino, segundos antes do descanso.
Tras o paso por vestiarios, Vaamonde goleu de novo, realilzando o seu hat trick. Tan só uns segundos despois, Ale Martín marcaría o cuarto. As valencianas non atopaban a forma de frear ás verdibrancas, que impoñían o seu xogo con comodidade. A segunda parte foi un festival goleador das coruñesas, que subiron ata o 7-0 con goles de Cris Diz e Ale Martin.
A nivel defensivo, o Liceo tamén foi claramente superior, cunha Katy Guscin que redondeu unha excelente tempada e Noe Uzal, que entrou para substituila na segunda metade e foi quen de deter unha falta directa.
Con este triunfo final, as galegas despiden a tempada con 29 puntos, empatadas no casilleiro co CP Las Rozas, pero proclamándose campioas ao ter o golaveraxe ao seu favor no particular e no xeral. Na vindeira campaña, o público poderá desfrutar do hoquei do Liceo na máxima categoría, a OK Liga.
FICHA TÉCNICA
DEPORTIVO LICEO: Katy Guscin, Andrea Ojeda, Naiara Vaamonde, Luchy Paz, Ale Martín -quinteto inicial-. Tamén xogaron: Noe Uzal e Cris Diz.
CPP RASPEIG: Paula García, Paula Milán, Marta Milán, Estela Chacón, Camila Fernández -quinteto inicial-. Tamén xogaron: Rosana Teruel e Claudia Landete.
GOLES: 1-0 (Naiara Vaamonde, min. 6). 2-0 (Naiara Vaamonde, min. 18). 3-0 (Luchy Paz, min. 25). 4-0 (Naiara Vaamonde, min. 31). 5-0 (Ale Martín, min. 31). 6-0 (Cris Diz, min. 41). 7-0 (Ale Martín, min. 44).
ARBITRAXE: Martínez Suárez. Sen cartóns.
INCIDENCIAS: Partido correspondente á ornada 14 da OK Prata Feminina 20/21 disputado no polideportivo de Monte Alto.
