As xogadoras liceístas teñene meta da tempada 2021-22 a tiro de pedra. O HC Deportivo Liceo terá esta fin de semana diante, como rival, ao Girona. Será o sábado 14 de maio ás 20:00 horas. Ese cruce daralle a oportunidade de asegurar matematicamente a sexta praza da OK Liga Iberdrola. Sería o resultado lóxico dunha segunda volta maxistral, coroada pola gran actuación do equipo na Copa da Raíña.
O conxunto galego, semifinalista regresará ao Palacio dos Deportes, coa moral polas nubes. Son 38 os puntos sumados polas xogadoras que prepara Stanis García, oito máis que os 30 do Igualada (sétimo). Con nove por xogar, unha vitoria aseguraría a praza. Doutra banda, alcanzar os 47 do forte Cerdanyola antóllase máis complicado.
As dúas xornadas restantes levarán ao Liceo á pista do mencionado Igualada e a recibir ao Vila-Sana, ao que apeou dos cuartos de Copa da Raíña.
Visitará Riazor o pechacancelas destacado da competición, dono dun único punto despois de 23 datas disputadas. Descendido desde hai tempo, o Xirona tan só poderá loitar pola súa honra. A este novísimo grupo tampouco lle acompaña o resto de estatísticas. O catalán é o conxunto menos goleador (18) e máis goleado (136). A primeira volta deixou unha vitoria verdibranca (1-5).
Esta é a lista de liceístas convocadas por Stanis García
O adestrador das verdibrancas, Stanis García, contará coas seguintes xogadoras para buscar estes tres importantes puntos: Viki Caretta (nomeada mellor porteira da Copa), Mencía Mosquera, María Sanjurjo, Adriana Soto, Bea Gaete, Luchy Paz, Cris Diz, Alejandra Martín, Lara Yáñez e Lucía Yáñez.
O HC Deportivo Liceo afrontará o vindeiro sábado 14 unha auténtica festa de hockey sobre patíns. A tarde estará marcada por dous importantes choques dos seus equipos masculino e feminino ós que todo liceísta poderá asistir, ben de balde ou por tan só 5 euros.
Juan Copa e os seus xogadores comezarán ás 17:30h o primeiro partido do playoff polo título. Uns cuartos de final contra o PAS Alcoi ó mellor de tres choques nos que o Pazo dos Deportes de Riazor deberá ser unha caldeira. Pola súa parte, Stanis García e as súas muchachas recibirán ó colista Girona co obxectivo de continuar unha segunda volta excepcional. O encontro será no mesmo escenario inmediatamente despois do anterior (20:00h).
Como xa é habitual, dispóñense varios escenarios de adquisición de pases para tódolos liceístas que desexen animar ó equipo. O primeiro deles está novamente destinado ós abonados beneficiarios do convenio co Real Club Deportivo. Haberá 500 pases dispoñibles sen máis custo que o tempo adicado á xestión, a realizar mediante a seguinte ligazón de Cluber: https://bit.ly/3wj7Ny3
Na chegada ós aledaños do Pazo dos Deportes, as persoas que apliquen esta posibilidade terán a obriga de presentar dous documentos: o código QR proporcionado por Cluber e o carnet do Real Club Deportivo. Serán indispensables para poder acceder. O segundo escenario aplicarase ós socios do Deportivo Liceo, que deberán mostrar o código QR do seu carnet dixital á hora de entrar. Polo tanto, non será necesaria maior xestión.
Por outra parte, o público xeral que desexe asistir ó encontro conta con entradas dispoñibles a un prezo de 5 euros cada unha. Adquiriranse de xeito online mediante outro enlace de Cluber: https://bit.ly/3L1QlU0
Liceístas, agardámosvos no Pazo dos Deportes de Riazor! Vivamos un gran sábado de Deportivo Liceo!
