O tríatlon galego segue crecendo e a Federación Galega (FEGATRI) estreará este ano o I Campus Muller e Tríatlon. A iniciativa, que ten como obxectivo promocionar o deporte feminino, desenvolverase na Estación de Montaña de Manzaneda (Ourense) entre o 25 e o 27 de agosto.
O campus, tal e como explican desde a FEGATRI, vai dirixido a triatletas maiores de 18 anos para facilitar unha experiencia de convivenza entre mulleres do tríatlon, nunha contorna natural como é Manzaneda.
Tres días de tríatlon
Durante eses tres días, levaranse a cabo prácticas e adestramentos deportivos así como actividades de ocio, guiadas por técnicas con experiencia.
Segundo apuntan desde a Federación, ademais de traballar as tres disciplinas as deportistas farán transicións, aspectos de forza, mantemento de material e máis actividades.
O prezo inclúe o aloxamento, pensión completa e o acceso ás instalacións. Para inscribirse é preciso cubrir a ficha a través da web da FEGATRI, no apartado Regulamentos/Inscricións.
Podes consultar toda a información aquí:
