O Hóckey Club Raxoi conseguía o subcampionato da Copa Princesa de hoquei a patíns neste ano 2024. O club compostelán cedía o título ante o CP Alcalá na final logo dun empate e de ter que decidirse o entorchado na quenda de penaltis. O partido quedou 1-1 e as compostelás perdían desde o punto fatídico cun 0-2 a favor das madrileñas.
O Hóckey Club Raxoi e o CP Alcalá chegaban á gran final da Copa da SAR a Princesa Femenina 2024. A fase final desta competición que contou con semifinais e final xogouse en Mieres. O partido decisivo foi no Pabellón Deportivo Visiola Rollán da cidade asturiana.
Antes dese partido que decidía o título, na primeira semifinal, o Hóckey Club Raxoi superou ao CP Alcalá. O conxunto de Santiago de Compostela impúxose por 3-1 con goles de Naiara Vaamonde (2) e Lara Yáñez. Pola súa banda, na segunda eliminatoria, o CP Alcalá gañou ao XAN Oposicións CPM – Lena pola mínima nun auténtico partidazo (4-3).
Ver esta publicación en Instagram
Na final o resultado foi de 1-1 con goles de Martina Barros Miguez, para as galegas (0-1), e Nerea Sánchez del Val, para as de Alcalá de Henares (1-1). Na quenda de penaltis tiraban sen conseguir ver porta pola parte do HC Raxoi Lucía Yáñez, Naiara Vaamonde, Martina Barros e Lucía Yáñez. Polo CP Alcalá lanzaron e fallaron Carlota Antúnez e Nerea Blanco. Anotaron para as madrileñas Cristina Santochirco e Marina Monge. Segundo se recolle na acta do encontro.
Ver esta publicación en Instagram
Resultados Copa de SAR a Princesa Feminina 2024
Semifinais
- Garatge Plana Xirona CH 1-3 Hóckey Club Raxoi
- CP Alcalá 4-3 XAN Oposicións CPM – Lena
Final
- HC Raxoi 1-1 CP Alcalá (FEPTV e FDPPA TV)
Lete Lasa destaca a puxanza galega no hoquei a patíns con éxitos como o do Hóckey Club Raxoi
O secretario xeral para o Deporte, José Ramón Lete Lasa, recibiu ao Hóckey Club Raxoi que vén de proclamarse subcampión da Copa SAR a Princesa Feminina de hóquei a patíns 2024 en Mieres, Asturias. O mandatario galego destacou o “enorme traballo” do equipo compostelán co que queda demostrado, unha vez máis, o “excelente estado de saúde do deporte feminino que cada semana enche de éxitos as vitrinas do deporte galego”.
Na recepción celebrada nas dependencias da Secretaría Xeral para o Deporte, estiveron presentes a vicepresidenta, Covadonga Rodríguez; a adestradora, Ainhoa García e oito xogadoras. Nese acto, Lete Lasa reforzou o compromiso da Xunta de Galicia co Hóckey Club Raxoi que xa é un equipo consolidado no Plan de Patrocinio Publicitario dos equipos de alta competición de Galicia que desenvolve a Fundación Deporte Galego dende 2022.
Ademais, o secretario xeral lembrou outras axudas que recibiu o CH Raxoi con respecto a actividade, reactivación ou equipamento que contribuíron a que as axudas da Xunta cheguen aos 40.500 euros desde 2009.
Lete Lasa enxalzou ao equipo feminino do Hóckey Club Raxoi que ademais deste subcampionato está a facer unha excelente tempada na segunda máxima categoría do hóquei a patíns feminino ocupando a segunda posición da clasificación da OK Liga Prata Feminina. Esa segunda praza na segunda categoría estatal nesta modalidade suporía o seu ascenso á OK Liga Feminina.
O secretario xeral para o Deporte puxo de manifesto a importancia de Galicia como potencia no hóquei patíns con equipos como o Hóckey Club Liceo e o Hóckey Club Coruña Feminino, ambos os dous equipos pelexando nos postos máis altos das máximas categorías masculina e feminina, respectivamente.
Por último, Lete Lasa desexou tamén a mellor das sortes ao Hóckey Club RESA Cambre e ao Hóckey Club Ponteareas que acompañan ao Hóckey Club Raxoi na segunda división estatal.
