Durante a esta semana Ponteareas acolle ao futuro do hoquei feminino español co Campionato de España sub17, no que o HC Raxoi é o único representante galego. O torneo comezará este xoves, 24 de xuño, e finalizará o domingo, día 27.
Ademáis do HC Raxoi (Galicia), competirán o CP Mieres asturiano, o CP Alcobendas e o CP Las Rozas madrileños, o HC Palau Plegamans e o CH Mataró cataláns, o CD Vettonia de Castela e León e o Gatikako Iusturi vasco.
O formato da competición
A competicion disputarase a través dunha primeira fase de liguilla en 2 grupos que dará acceso a un play off no que se disputaran por unha parte os catro primeiros postos e, por outra, os postos de 5°a 8°.
As galegas enfrontan este Campionato por cuarta vez consecutiva despois da suspensión do pasado ano que ía disputar en Mieres e, para a cal, tiñan tamen praza pero que finalmente foi suspendida por mor da pandemia de COVID-19.
Os partidos do HC Raxoi
O conxunto irmandiño está encadrado no grupo A, do que tamén ofmran parte o Gatikako Iusturi, o HC Palau Plegamans e o CP Las Rozas.
O primeiro duelo para as galegas será o xoves, ás 18:30 horas, ante o HC Paulau Plegamans. O segundo encontro será o venres, na segunda xornada, e co CP Las Rozas como rival.
Na terceira xornada, que da fin á primeira parte da competición, as galegas do HC Raxoi deberán xogar contra o Gatikako Iusturi.
