Se na Copa os dous cruces entre berciás e compostelás caeran do lado leonés, na Liga a victoria foi para as galegas. O HC Raxoi colleitaba un triunfo por 3-0 diante do APG Bierzo esta fin de semana no Pavillón de Vite en partido adiado correspondente á primeira xornada da competición regular.
Viviuse un partido “bastante lento e sen ocasións”, según explicaba o adestrador local, Pedro Siaba. Que sinalaba que o cruce foi “moi defensivo por parte de ambos os dous equipos”.
Pedro Siaba, adestrador do HC Raxoi: “Foi moi defensivo por parte de ambos os dous equipos”
Engadía o adestrador do HC Raxoi que precisamente nese aspecto do xogo, na labor defensiva, puidera estar a chave do triunfo das galegas. As xogadoras do conxunto de Santiago de Compostela mantiveron todo o encontro a súa meta a cero. “Entre a seriedade que aportamos na defensa, e o bo nivel na porteiría que se mantivo durante todo o encontro”, analizaba Pedro Siaba ao final do partido contra o APG Bierzo.
Un erro da APG Bierzo que propicia o 1-0
O primeiro tanto local xorde dun erro deses considerados ‘infantís’ que comenten dúas xogadoras do conxunto visitante. Foi ao realizar un troco. A xogadora entrante metéuse na cancha de xogo antes de que a súa compañeira chegase a saír da mesma. Para colmo, no tránsito, cáese e fai que o árbitro do encontro, o colexiado Gómez Toba, caíse na conta do sucedido e, consecuentemente, amonestase con cartón azul á xogadora. Aí, co límite desa exclusión pola amonestación, o HC Raxoi no tivo piedade e aproveitou unha falta directa para adiantarse no marcador no primeiro tempo.
O erro que propiciou que as compostelás se adiantasen no marcador marcou psicoloxicamente ás berciás durante o resto do partido.
Con todo, seguiron loitando pero volveron cometer un erro dos que se pagan con goles. Foi nunha falta mal defendida na que deixaron rematar ás xogadoras do Raxoi ata en tres ocasións. Como di o dito popular, tanto vai o cántaro á fonte que… finalmente, as galegas anotaron o segundo e puxéronse por diante 2-0.
Precisamente explica o técnico local que despois de adiantarse no electrónico con esa falta directa na primeira parte, o Raxoi gozou dun “par de ocasións no segundo período coas que conseguimos sentenciar o encontro”.
Aínda así, foi o gran traballo en defensa das xogadoras do HC Raxoi, e sobre todo a gran actuación da súa gardamallas, o que fixo posible que as visitantes non foran quen de recurtar distancias no marcador e que o 3-0 fose o resultado final do partido.
Ganas do HC Raxoi de vencer logo das dúas derrotas en Copa
Desde o banco local, o adestrador Pedro Siaba explicaba que tiñan “ganas de facer un bo partido, aínda que tiveramos unha plantilla xusta e nese senso estou satisfeito de poder colleitar unha victoria que xa se nos escapou dúas veces na Copa“. Xa na previa do encontro comentara que nesta tempada xa tiñan recibido”dúas derrotas delas” matizando que os partidos da Copa foran “axustados” e que tiñan “ganas dunha revancha”, como finalmente aconteceu.
Pedro Siaba, adestrador do HC Raxoi: “Tiñamos ganas de facer un bo partido, aínda que tiveramos unha plantilla xusta e nese senso estou satisfeito de poder colleitar unha victoria que xa se nos escapou dúas veces na Copa”
Dezaseis aniversario de Lía na pista
A derrota non foi permitiu a Lía Gancedo, do APG Bierzo, festexar cunha victoria os seu 16 aniversario, pero a xogadora visitante puido, canda menos gozar de un día de partido entre amigas.
O banco visitante estivo nesta ocasión ocupado polo técnico Luis de arriba debido a que outros compromisos competitivos impedían a Álvaro Sariol ocupar o posto de adestrador neste desprazamento a Santiago de Compostela.
FICHA TÉCNICA
CH RAXOI: Xoana Pereiro (P), Julia González, Celia González, Martina Barros, Uxía Pereiro, Alba Arosa e Sara Canabal (P).
APG BIERZO: Paula Vidal (P), Lia Gancedo, Andrea López, Paula García, Ainara Yáñez, Lucia e Ana Vega
RESULTADO: 3-0
GOLES:
Polo HC Raxoi anotaron: Julia González (1) e Martina Barros (2)
COLEXIADOS: Árbitro: Pablo Gómez Toba. Cronometrador: Arturo Pereiro.
INCIDENCIAS: Pavillón de Vite (Santiago de Compostela). Partido correspondente á primeira xornada da Liga Senior Feminina Autonómica da Federación Galega de Patinaxe e que fora adiado no seu día.
Con este resultado o HC Raxoi colócase terceiro na táboa clasificatoria con tres puntos. Por diente, está o líder, HC Borbolla, e as segundas clasifcadas, o HC Cambre contra quen perderon as santiaguesas a anterior fin de semana. A vindeira xornada xogarase na fin de semana do 29 de febreiro cos cruces:
- APG BIERZO – DEPORTIVO LICEO
- APG BIERZO – HC BORBOLLA
- DEPORTIVO LICEO – HC CAMBRE
- CH RAXOI – CLUB CIA MARIA
