Avanza con paso firme o HC Deportivo Liceo no seu concurso na OK Prata Feminina de hoquei a patíns. Logo da disputa de dúas xornadas, as xogadoras que adestra Carlos Loureiro seguen invictas e figuran segundas na táboa clasificatoria empatadas a puntos (4) precisamente co Alcorcón co que empataba 0-0 esta fin de semana.
As madrileñas do CP Alcorcón chegaron á Coruña con varias xogadoras que habitualmente compiten na Ok Liga Feminina, polo que non o tiveron doado as galegas para manter a portaría a cero. É certo que faltou gol en ambas escuadras (algo que queda claro ao mirar o marcador final), pero, pola contra, despregaron un gran traballo defensivo.
A vindeira semana o HC Deportivo Liceo xoga co Gatikako Iusturi ao que o HC Borbolla venceu na primeira xornada por 1-7.
As Tomatitas do HC Borbolla descansaba esta fin de semana na Ok Liga Prata e a xornada xogarán o venres en terras alacantinas contra do CPP Raspeig.
✅ O #DeportivoLiceo Feminino empata ante o @AlcorconCP e mantense invicto na #OKPrata.
🥅 0-0
📸 @bybirbo pic.twitter.com/NsvLlowEp1
— Hockey Club Liceo (@HockeyclubLICEO) March 21, 2021
FICHA TÉCNICA
0) HC DEPORTIVO LICEO: Katy Guscin, Alejandra Martín, Naiara Vaamonde, Beatriz Gaete e Lucía Paz (C) – quinteto inicial -. Tamén xogaron: Andrea Ojeda, Isa Barros, Inés Temprano, Cris Diz. Noemí Uzal (P.S.)
0) CP ALCORCÓN: Patricia Sanz, Anna Carranza, Carlota Antúnez, Carolina Monedero e Marina Monge – quinteto inicial -. Tamén xogaron: Gabriela Delgado e Celia Montero. Estela Sánchez (P.S.)
GOLES: Sen goles.
ÁRBITROS: Lorenzo Bosch Sande. Cronometrado: Mark Guscin. Sen cartóns azuis.
INCIDENCIAS: Partido correspondente á segunda xornada da Ok Liga Prata feminina disputado no pavillón Polideportivo de Elviña II na Coruña.
