Empate do HC Deportivo Liceo no seu segundo partido da fin de semana. As verdibrancas remataron 0-0 o seu cruce co CP Las Rozas, outro dos aspirantes ao título. O resultado mantén líderes e invictas ás galegas que o día anterior goleaban 5-0 ao Gatikaku Iusturi.
O camiño do conxunto verdibranco cara ao ascenso á Ok Liga da pasos firmes xornada tras xornada. As xogadora que adestra Carlos Loureiro mantéñense invictas na competición e seguen á fronte da clasificación con 20 puntos e oito partidos xogados (un máis que as segundas, o CP Alcorcón que ten catro puntos menos). Ao HC Deportivo Liceo réstanlle catro partidos para o final da competición.
A defensa das madrileñas foi demasiado intensa como para que as coruñesas fosen quen de perforar a meta de Leyre Gilardi. Un trunfo tería sido un paso definitivo de cara ao ascenso, pero manter a súa portaría a cero e colleitar un empate, non é para nada un mal resultado. O reparto de puntos deixa a ambos equipos á mesma distancia que tiña antes do choque. É dicir, coas liceístas por diante.
Naira Vaamonde dispuxo dunha pena máxima a pouco máis dun minuto do final de primeira parte, pero non transformou o seu disparo. E Bea Gaete tivo unha falta directa a 11 minutos do final que tampouco puido materializar en gol.
Decisivo partido do HC Deportivo Liceo na vindeira xornada
As xogadoras verdibrancas que adestra Carlos Loureiro xóganse de novo moitas das súas opcións na próxima xornada. Veranse as caras co CP Alcorcón o sábado 15 de maio ás 18:00. Unha vitoria ante as madrileñas e na súa cancha, inmediatas perseguedoras das coruñesas, sería un golpe de efecto a favor dos intereses das liceístas.
FICHA TÉCNICA
0) HC DEPORTIVO LICEO: Katy Guscin, Beatriz Gaete, Lucía Paz, Alejandra Martín e Cristina Diz – quintento inicial -. Tamén xogaron: Naiara Vaamonde e Isa Barros
0) CP LAS ROZAS: Leyre Gilardi, Claudia Silvia, Ana Horche, Mónica Villaró e María Alcalde – quintento inicial -. Tamén xogaron: Rocío Antón e Elena Arganda.
GOLES: –
ÁRBITROS: Francisco López Quintero, amosou cartón azul a Ana Horche. Cronometrador Carlos Sánchez Alonso.
INCIDENCIAS: Partido correspondente á xornada 9ª na Ok Liga Prata disputado na cancha de Elviña II na Coruña.
HC Deportivo Liceo e HC Borbolla vencen contundentemente a sus respectivos rivais