Obxectivo conseguido. O HC Deportivo Liceo retorna á Ok Liga Feminina e faino cunha superioridade clara diante dos seus rivais neste loita. As coruñesas están ascendidas matematicamente a tres xornadas de que remate a competición na Ok Liga Prata Feminina. E asinan ese hito cun 0-4 ante o UDC Rochapea en Navarra.
O Liceo está invicto
As verdibrancas que adestra Carlos Loureiro teñen 26 puntos así que nin o terceiro clasificado, CP Las Rozas (17 puntos), nin as cuartas o HC Borbolla (15 puntos), poden alcanzalas. Dos trinta puntos posibles até o momento as xogadoras herculinas so perderon catro en dous empates ante CP Alcorcón e CP Las Rozas. Teñen 37 goles a favor e so catro en contra. Agora mesmo están invictas, ningún equipo foi superior a elas nestas once xornadas de competición ligueira.
Con respecto ao partido coa UDC Rochapea de Pamplona, ao descanso as galegas xa vencían por 0-3 con dous goles de Bea Gaete, que abría o marcador, e un de Luchy Paz. O 0-3 definitivo foi obra de Naiara Vaamonde sobre a bucina.
✅ CRÓNICA | ¡Á OK LIGA! (0-4)
➡️ O #DeportivoLiceo vence ó Rochapea e logra o ascenso matemático á máxima categoría.
📸 @hockeyglobal pic.twitter.com/1uUe9q2Yhr
— Hockey Club Liceo (@HockeyclubLICEO) May 23, 2021
FICHA TÉCNICA
UDC ROCHAPEA: Garaiz Leranoz, Iruña Lasaosa, Saioa Larraínzar, Ainara Casado (C) e Irune Santesteba – quinteto inicial -. Tamén xogaron: Iainara Errera. Irati Ezkurra (P.S.)
HC DEPORTIVO LICEO: Katy Guscin, Alejandra Martín, Naiara Vaamonde, Bea Gaete e Luchy Paz (C) – quinteto inicial -. Tamén xogaron: Isa Barros, Inés Temprano, Cris Diz. Noemí Uzal (P.S.)
GOLES: 0-1 min. 12 Bea Gaete. 0-2 min. 13 Bea Gaete 0-3. min. 39 Luchy Paz. 0-4 min. 49 Naiara Vaamonde.
ÁRBITROS: Oliver de Esteban, colexiado principal. Oscar Lasaosa, colexiado auxiliar e cronometrador. Amonestaron con cartón azul a Cris Diz Gómez polo HC Deportivo Liceo.
INCIDENCIAS: Partido xogado na cancha da Unión Deportiva y Cultural Rochapea en Iruña de correspondente á undécima xornada da Ok Liga Prata Feminina. O HC Deportivo Liceo acadada con este trunfo o ascenso matemático á OK Liga Feminina.
“El día que me muera, yo quiero mi cajón, pintado de verde y blanco, como mi corazón”💚#forzadeportivoliceo💚🏑🤗 #sondeprimeira @HockeyclubLICEO pic.twitter.com/4ZhJwLbdkT
— hockeyliceobase (@hockeyliceobase) May 23, 2021
Unha camiseta verdibranca para “inexpugnables na resistencia”
