O HC Deportivo Liceo loitará esta fin de semana por acadar outros tres puntos que axuden ás verdibrancas a asentarse máis aínda na zona nobre da clasificación na Ok Liga Ibedrola. Para facelo deberán superar ao Lidergrip CH Mataró. O partido dispútase no Pazo dos Deportes de Riazor ás 20:00 horas.
Restan sete partidos para o final da fase regular, así que calquera punto valerá ouro. O HC Deportivo Liceo afrontará este sábado a súa seguinte proba, a disputar contra o Lidergrip CH Mataró, co obxectivo de sumar tres máis que poidan establecelo definitivamente na zona nobre da OK Liga Feminina (20:00 h, Pazo dos Deportes de Riazor en A Coruña).
As xogadoras dirixidas polo técnico Stanis García ocupan actualmente a sexta posición. As once xornadas disputadas desde o 1 de xaneiro de 2022 deixaron un rexistro de oito vitorias, moitas delas contra favoritas ao título, así que o crecemento foi exponencial.
Podería ser unha xornada propicia para poñer terra de por medio con quen ven detrás, xa que as súas inmediatas perseguidoras, o Igualada Femení Grupo Guzman, enfróntase as segundas clasificadas, o Martinelia CP Manlleu.
Son un total de 31 puntos os que teñen no seu haber as coruñesas. Aínda están lonxe dos 37 e 44 do CH Feníe Energía Cerdanyola e o Telecable HC, pero son suficientes para definir o gran momento de forma do equipo verdibranco. Enfronte terán esta xornada a un Lidergrip CH Mataró necesitado. Se o HC Deportivo Liceo necesita os puntos para contar con maior seguridade na zona alta da táboa, o conxunto catalán buscara os froito doutra batalla moi distinta: a da superviviencia.
O CH Mataró é un dos clubs que actualmente loitan por evitar o descenso á OK Prata, así que a súa visita a Riazor cobrará gran importancia nas súas aspiracións por manter a categoría e non abandoar a elite do hoquei sobre patíns estatal.
Queres ir ver ao Liceo a Riazor?
Por 5€, ou incluso de xeito gratuito, tódolos liceístas que o desexen poderán asistir a Riazor para disfrutar do choque entre HC Deportivo Liceo e CH Mataró (sábado 2 de abril, 20:00 horas).
Os socios verdibrancos entrarán ensinando o seu carnet dixital. Para o resto organizáronse os dous escenarios habituais de adquisición.
No primeiro deles, adicado ós abonados do Real Club Deportivo, haberá 500 pases gratuitos dispoñibles. Non existirá máis custo que o tempo adicado á xestión, a levar a cabo mediante o seguinte link de CLUBER:
No momento da chegada ós aledaños do Pazo dos Deportes, as persoas que apliquen esta posibilidade terán a obriga de presentar dous documentos: o código QR proporcionado por Cluber e o carnet do Real Club Deportivo.
Para rematar, o público xeral que desexe asistir ó encontro conta con entradas a un prezo de 5€. Adquiriranse de xeito online mediante outra ligazón de CLUBER:
Protocolo de prevención da COVID-19 para acceder ao recinto
Trala publicación do DOGA do 17 de decembro esíxese que, nas instalacións deportivas que esperen unha afluencia superior a 200 espectadores, se comprobe antes do acceso que os asistentes maiores de 12 anos estén en posesión dalgún documento que acredite unha destas situacións:
- Que recibiron a pauta completa dunha vacina contra a COVID-19 para a cal se concedeu unha autorización de comercialización, de conformidade co Reglamento (CE) nº 726/2004.
- Que dispoñen dunha proba diagnóstica negativa realizada nas últimas 72 horas, no caso das PCR, e 48 horas no caso dos tests de antíxenos. No caso dos tests rápidos de antíxenos, deberán están enumerados na lista común e actualizada de tests rápidos de antíxenos da COVID-19 establecida sobre a base da Recomendación 2021/C 24/01 do Consello de Europa.
- Que o titular se recuperou dunha infección polo SARS-CoV-2 nos últimos 6 meses. Para iso, a persoa debe ter sido diagnosticada como caso confirmado da COVID-19 fai 11 días ou máis mediante unha proba PCR, non sendo válido outro tipo de test.