Chega o último partido do HC Borbolla deste curso na Ok Liga. As tomatitas que adestra Santi Martínez reciben en Monte Alto mañá sábado 23 de abril ás 16:15 horas ao CP Vilanova. “Afrontamos este último partido coa intención de ganar e, polo menos, despedir a tempada cun bo sabor de boca”, di o técnico das galegas.
Pese a estar descendidas, o cruce pode ser un ata logo das coruñesas á elite ou un vémonos para o ano. A sorte das galegas non depende do primeiro equipo, se non do segundo. Neste último cruce da tempatada na élite do hoquei sobre patines estatal está todo o peixe vendido pola parte local. Non así pola visitante.
O HC Borbolla xa non se xoga nada neste cruce, á marxe de demostrar que é un digno rival un equipo que tiña merecido mellor sorte este curso. Pero o CP Vilanova aínda ten opcións de ser un deses tres equipos que salvan a papeleta e se manteñen na Ok Liga. Así que as catalás virán a xogarse a vida á Coruña.
O cruce debía xogarse a vindeira fin de semana pero adiantouse. O CP Vilanova, cuarto con 18 puntos, quere darlle caza ao Igualada Feminí HCP que é terceiro con 19. De conseguilo, manteríase.
“Desgraciadamente non acadamos o obxectivo”, lamenta o técnico do Borbolla
Santi Martínez laiábase de non ter conseguido o obxectivo da permanencia pese a enorme evolución que tivo o bloque coruñés desde que comezou a tempada. “Por destraza non logramos o noso obxectivo de acadar a permanencia. Estivemos cerca xa que a falta de catro partidos estabamos en postos de permanencia, pero no partido decisivo, en Igualada, aí complicousenos todo moitísimo e xa pasamos a depender de terceiras e iso non é bo”.
Santi Martínez, preparador do HC Borbolla: “Estivemos preto de conseguir a permanencia, xa que a falta de catro partidos estabamos en postos de permanencia, pero no partido decisivo, en Igualada, aí complicousenos todo moitísimo e xa pasamos a depender de terceiras e iso non é bo”
