As 19:15 horas de hoxe, sábado 24/10/2020, está marcado o inicio dun novo reto para o HC Borbolla. As coruñesas visitan Gijón para enfrontarse ao Telecable HC, actual líder empatadas a puntos con Cerdanyola, último rival das galegas. As herculinas viaxan sen complexos dispostas a dar guerra sobre a pista. Van así, saltando dun líder ao outro, dispostas a plantarlle cara calquera equipo coa meta de acadar a súa primeira vitoria canto antes.
No banco, dirixindo ás de Gijón, está o ex porteiro de hoquei portugués Nuno Canelas que militara no do Biesca Gijón HC e na pista coruñesa, ex HC Liceo, e internacional con España, María Sanjurjo. Os dous clubs Borbolla e Telecable, arrastraban xogadoras tocasas pero os dous recuperan as patinadoras lesionadas.
No caso do HC Borbolla a porteira Fernanda Tapias tivo que deixar o xogo na primeira metade da pasada xornada pero finalmente a doenza era recuperable co traballo entre semana. “Era unha contractura”, explica o técnico das galegas, Santi Martínez. “Estivo toda a semana en mans Óscar Parga, que é o fisio do equipo e ten unhas mans prodixiosas”, relataba o adestrador que confirmaba que a meta chilena “ten aínda algunhas molestias, pero está para xogar”.
O esperado é que Fernanda Tapia volte ocupar a portaría de inicio, pero se as molestas voltan, aí estará Edén Avecilla para volver asumir o reto de defender a meta coruñesa. Ela tamén da a cara e xoga sen complexos, sen temor a que a súa mocidade ou ter por diante a unha das mellores porteiras da OkLiga coarte as súas capacidades ou as súas ganas de sumar sempre e medrar co grupo.
Nas filas locais Nuno Canelas terá a toda a plantilla á súa disposición. Recupera a Nuria Obeso que viña arrastrando molestias.
Traxectorias dispares do Borbolla e o Telecable no que vai de OkLiga
So hai que mirar a táboa para concluir que o Telecable e o HC Borbolla levan traxectorias moi dispares nestas cinco xornadas de OkLiga. Xa de inicio as ‘ligas’ dun e doutro equipo son radicalmente diferentes. As de Gijón aspiran ao título, as coruñesas, á permanencia.
Nos partidos xa disputados, as asturianas so empataron un partido, xustamente co Cerdanyola 1-1. Son xustamente estos dous equipos os que ocupan o liderazgo na clasificación. Está o Telecable por encima das catalanas por un mellor golaverage global (16 das asturianas por 12 do Cerdanyola).
Revisando o resto de cruces vemos que as de Gijón os contabilizan todos como triunfos. Endosárolle un contundente 0-7 ao Alcorcón na súa casa, un 5-0 ao Garatge Plana Girona Club Hockey e veñen de gañar en Las Rozas 1-5.
Estamos, polo tanto diante dun conxunto goleador, ao que non lle chega gañar. Están dispostas a ‘facer sangue’ e golegar ás súas rivais con tal de sumar goles. É xustamente iso o que as coloca agora mesmo como primeiras na táboa. Así que a estratexia estalles a funcionar á perfección.
Teñen as de negro e vermello un contrincante duro e que non baixará os brazos á procura de perforar a meta coruñesa todas as veces que teña ocasión.
Santi Martínez, adestrador do HC Borbolla: “Enfrontámonos a un dos mellores equipos do mundo, pero imos co moitas ganas e coa idea de lograr puntos, aínda sabendo que a dificultade será extrema”
Con todo, o HC Borbolla encara o cruce sen complexos. “Afrontámolo como todos os partidos”, di Santi Martínez. O adestrador das galegas explica que va a Gijón “sabendo que nos enfrontamos a un dos mellores equipos do mundo, pero imos co moitas ganas e coa idea de lograr puntos, aínda sabendo que a dificultade será extrema”.
Logo do último partido, contra o Cerdanyola, o preparador das galegas lamentaba a derrota, pero estaba satisfeito polo amosado sobre a pista “Saímos fastidiadas do partido, pero á vez, contentas por como competimos”, decía. Queda ver se esta xornada, contra outro oso, as coruñesas logran puntuar. Viaxan con todo e, como dimos, sen complexos.
Os colexiados que foron designados para este choque son Enrique Manuel Díaz Sánchez, auxiliado en mesa por Isaac Sanz Rodríguez. O partido terá lugar no pavillón polideportivo Mata Jove
