O HC Borbolla coruñés non pode fallar ante o Areces Ecopilas Asturhockey, colista do grupo pola permanencia da Ok Liga. As asturianas visitan esta tarde o pavillón de Monte Alto a partir das 19:00 horas. De gañar, as tomatitas durmirían, canda menos esta noite, fóra dos postos de descenso da categoría. Un respiro e un xeito de ver, de modo tranxible que a salvación está aí e pódese alcanzar.
Para este choque é baixa por sanción Julia Cabanas, unha das fixas no esquema de Santi Martínez. Tamén arrastra molestias a porteira Edén Avecilla, pero será da partida segundo confirmaba onte o técnico galego. Arbitrará o choque os colexiados Diego Garrido Areas que terá como auxiliar a Carlos Chouciño Fernández.
Toda a clasificación está nun pano, salvo o primeiro posto que ocupa o CP Esneca Vila-Sana. Esto fai que unha vitoria ou unha derrota sexan máis vitais que nunca. Nesta ocasión, por exemplo, o HC Borbolla é sexto con nove puntos, pero se vence, pasaría á terceira praza con doce. A expensas da disputa do resto da xornada mañá domingo, as galegas durmiría en postos de salvación. Se o Igualada cae co Girona, e o Igualada co Alcorcón, esa posición se mantería, canda menos, unha xornada e as galegas xa dependerían de si mesmas.
Eso constituiría, sen dúbida, un grande golpe de moral e un punto de inflexión na traxectoria do HC Borbolla neste curso 2020-21.
En calquera caso, as coruñeas está obrigadas a gañar e o seu técnico, Santi Martínez, sábeo. “Si, estamos obrigada a gañar como en todos os partidos desta segunda fase”, advirte. “Precisamos todos os puntos para non descolgarnos e meternos, de cheo, na loita para lograr a salvación”, explica.
O Areces, un equipo “irregular, capaz do mellor e do peor”
Sobre o rival, o Areces Ecopilas Asturhockey, o adestrador do conxunto galego, sinalaba que é un equipo “irregular, capaz do mellor e do peor. Na primeira fase, nun mismo partido contra os grandes, era quen de plantarlles cara e poñelos en problemas, e logo, esa irregularidade, lle facía non acadar resultados positivos”.
Non poderán polo tanto as patinadores do HC Borbolla baixar a guarda en ningún momento do partido. “Son un equipo rápido, que se sinten cómodas contragolpeando e sacan moito partido dos unha para unha”, avisa Santi Martínez.
O técnico do equipo coruñés salienta entre as integrantes do plantel do Areces Ecopilas Asturhockey a “Adriana, unha xogadora con moita forza e que marca con facilidade”, detalla Santi Martínez.
Consultado sobre como van plantexar o partido contra as asturianas, o entrenador das coruñesas explicaba: “Nós tentaremos, como en todos os partidos, que se xogue ao noso ritmo, marcar o tempo do partido, ter o partido controlado en cada momento e non permitirlles correr”. Tamén advertía que durante o partido desta tarde en Monte Alto as deportistas do equipo galego que preparará deberá estar “moi atentas ás individualidades do Areces“.
Santi Martínez, adestrador do HC Borbolla: “O Areces é un equipo rápido, que se sinten cómodas contragolpeando e sacan moito partido dos unha para unha”
“Coido que ha ser un partido moi igualado, como o están a ser todos os desta segunda fase que teñen resultados moi apretados. Teño para min que a vitoria vaise decidir por pequenos detalles”, di o técnico galego Santi Martínez.
O segundo equipo, xogará na Ok Liga Prata
Esta semana coñecíase que o Deportivo Liceo e o HC Borbolla, ambos da Coruña, serán os representantes galegos na Ok Liga Prata que empezará a súa competición no vindeiro mes de marzo.
No caso do HC Borbolla, a plantilla contará con “xogadoras da base. Deportistas de categorías júnior, xuvenil e as Sub23 que llevan un mínimo 2 anos no club”, explicaba o técnico do primeiro equipo, Santi Martínez.
HC Borbolla e o Deportivo Liceo, clasificados para á Ok Prata feminina
