Rematada a primeira fase da competición, empeza para o HC Borbolla a hora da verdade. As coruñesas inician esta fin de semana a súa loita por manter a categoría e o fan na casa. Mañá sábado 13 de febreiro, ás 19:00 horas, recibirán no pavillón de Monte Alto ao Igualada Femení HCP.
Nesta segunda etapa da tempada 2020 – 2021, enfrontanse ás tomatitas co feito de ser ou non ser un equipo máis na elite estatal do hoquei rodado o vindeiro ano. Regresar á Ok Liga foi difícil para as herculinas. Pero manterse está a resultarlles unha tarefa tamén complicada. Así e todo, confían en poder manterse.
Non parten da mellor das posicións, pero no deporte nada hai escrito aínda e as coruñesas están indo de menos a máis neste curso.
Ao arrastrase os resultados, o HC Borbolla so se enfronta aos equipos do Grupo B. Todos os resultados que obtivo cos conxuntos do Grupo A na primeira fase, aparecen nesta segunda etapa no seu casilleiro. Esta loita pola permanencia faise nunha liguilla de ida e volta. Ao final, os cinco últimos perderán a categoría.
O posto das galegas neste arranque de fase é o de penúltimas con seis puntos no seu casilleiro. Agora mesmo as separan da terceira praza, que é a primeira que outorga a salvación, catro puntos. Por diante teñen oito partidos e polo tanto poderían acadar ate 24 puntos.
O seu primeiro reto é gañar ao Igualada. Con vencer ás blaugranas, xa se colocarían quintas (incluso poderían chegar a ser cuartas), superando na táboa ao seu rivan desta fin de semana. Todo está nun pano. Así que cada partido será unha final nesta nova fase.
E para esta primeira ‘final’ Santi Martínez terá que afrontar unha baixa significativa, a da cancerbeira internacional Fernanda Tapia que está sancionada. Previsiblemente a canteirana Edén Avecilla volverá a se pór baixo paus. Pese á súa mocidade a xogadora coruñesa desenvolveuse con soltura as veces que lle touco, nesta mesma tempada, na máxima categoría, asumir a responsabilidade de cubrir o marco do HC Borbolla. Aínda así, non ten os minutos nin a experiencia de Fernanda Tapia.
Outra dúbida é Antía. Que está entre algodóns. “Até o mesmo sábado non poderemos saber se está ou non dispoñible”, di o adestrador das galegas Santi Martínez.
HC Borbolla vs Igualada, primeira final
Sobre o primeiro rival, o Igualada Femení HCP, o técnico do HC Borbolla di que é un conxunto que está nun “caso semellante ao noso. Son tamén un equipo recén ascendido ao que lle costou un pouco adaptarse á categoría e que foi crecendo moito”
Segundo explica o técnico coruñés, o Igualada “ten unha plantilla moi nova, pero con algunha xogadora máis veterana e con moita experiencia”.
Santi Martínez, adestrador do HC Borbolla di sobre o Igualada Femení HCP: “O equipo deu un salto de calidade ao fichar a unha excelente xogadora como é Raquel Bernadas que marca goles con moitísima facilidade. Bernadas xa gañou practicamente todo no hoquei sobre patíns. Xunto con Pati Miret fan do Igualada Femení HCP un equipo con moito gol”.
Engade Santi Martínez que, ademais, as catalás, neste mercado de inverno, “deron un salto de calidade ao fichar a unha excelente xogadora como é Raquel Bernadas”. Dela di o adestrador das galegas que “marca goles con moitísima facilidade. Bernadas xa gañou practicamente todo no hoquei sobre patíns. Xunto con Pati Miret fan do Igualada Femení HCP un equipo con moito gol”, avisa Santi Martínez.
