O HC Borbolla despide a tempada 2020/2021 do OK Liga Prata caendo derrotado ante o CP Las Rozas. As galegas perderon por un 4-1 e rematan o curso na cuarta posición da táboa.
Esta 14ª xornada da competición comezo cun duelo moi competido na primeira parte. Pero na segunda metade as galegas perderon enerxía e foron superadas en claridade polas locais.
O Borbolla comezou forte o encontro
Nos primeiros minutos de encontro o duelo estivo igualado entre os dous conxuntos participantes. O marcador estrouse cedo a favor do CP Las Rozas, cun gol de Elena Arganda.
As herculinas souberon sobrepoñerse, e minutos máis tarde puxeron as táboas no luminoso grazas a Alba Díaz. A igualdade era máxima na pista, e o adestrador coruñés Santi Martínez solicitou un tempo morto para dar forza ás súas.
Porén, antes do tempo de descanso, o CP Las Rozas golpeu de novo, a través dun gol de Ana Horche, que puxo ás locais por diante.
O CP Las Rozas fíxose coa vitoria no tramo final
Tras o paso por vestiarios, o cadro local saiu reforzado, asinando o terceiro tanto cedo. O gol de Ana Horche, o segundo da xornada, deixou tocado ao conxunto galego.
As xogadoras do Borbolla non se repuxeron tras este tanto, e en cuestión de minutos recibiron o cuarto, desta vez obra de Lucía Rico. Co paso dos minutos as galegas seguiron intentando puntuar, pero nin a falta directa de Alba Díaz resultou en gol, polo que o encontro rematou nun 4-1.
FICHA TÉCNICA
CP LAS ROZAS: Leyre Gilardi, Ana Asensi, Claudia Silva, Ana Horche, Sara Minaya, Rocío Antón, Lucía Rico, Elena Arganda, Mónica Villaro e Alicia Abad.
HC BORBOLLA: Edén Avecilla, Valentina de Girolamo, Antía Rivadas, Alba Díaz, Marta Vilas, Lucía Castro, Lara Yáñez e Lucía Yáñez.
GOLES: 1-0 Elena Arganda; 1-1 Alba Díaz; 2-1 Ana Horche; 3-1 Ana Horche; 4-1 Lucía Rico.
ARBITRAXE: Jorge Martínez, María Teresa Martínez, María Alcalde.
INCIDENCIAS: Partido correspondente á 14ª xornada de OK Liga Prata, disputado no Centro de Patinaje Las Rozas (Madrid).
