O Atlético Guardés xa ten data para dar inicio á pretempada previa á campaña 2021/2022. O vindeiro mércores, 28 de xullo, as xogadoras do plantel galego voltarán ás sesións de traballo.
As xogadoras están citadas para as 09:00 horas do mércores no pavillón da Sangriña para inaugurar o novo curso. Pola tardé, ás 18:00 horas, completarán unha dobre sesión que se repetirá na metade dos días desta etapa inicial.
Durante as vacacións, Joao Mesquita, o novo preparador físico do Atlético Guardés, púxolles deberes para chegar en bo estado ao inicio dos adestramentos e poder acurtar os prazos ao máximo posible e introducir o traballo con balón desde o primeiro día.
Con José I. Prades nos Xogos Olímpicos de Toquio coas Guerreras, Abel González será o encargado de levar a voz cantante nas primeiras sesións. Xunto a el estarán o xa citado preparador físico luso e Fabio Lima.
A exepción de Paula Arcos, tamén presente na cita olímpica, o resto do plantel completará a pretempada de seis semanas e media. A intención do corpo técnico é disputar sete encontros antes do comezo ligueiro, aínda que o club aínda non confirmou todos.
