O Atlético Guardés venceu nesta xornada ao Rocasa Gran Canaria, o seu inmediato perseguidor, polo que deixa a tiro o subcampionato de Liga Guerreras Iberdrola. As galegas venceron en casa cun 27-26, remontando o partido que ían perdendo ao descanso.
Este resultado, idéntico ao conseguido en Telde (26-27), da a segunda praza ás galegas en caso de empate a puntos, xa que as canarias aínda teñen un partido pendente. A falta de dúas xornadas, o Super Amara Bera Bera proclamouse campión, cun colchón de seis puntos.
Desta forma, a meta do Atlético Guardés é gañar nos dous partidos que quedan, contra o KH-7 Granollers e o Liberbank Gijón, para poder poñer o broche que era impensable ao inicio do curso. De rematar segundas, igualarían o subcampionato obtido na tempada 2017/2018. Como regalo extra, chegaría a clasificación para Europa.
A emoción mantívose ata os intres finais
Nesta xornada de sábado, as xogadoras que adestra de José Ignacio Prades puideron desfrutar na pista confirmando a súa magnífica dinámica de xogo e unha traxectoria envexable no segundo tramo da competición, sumando 11 dos 12 puntos posibles. Este duelo ante o Rocasa Gran Canaria decidiuse desde as pizarras de ambos adestradores, co xogo coa pivote como aposta clave na vitoria local.
Como xa sucedera en Telde, o partido entrou nunha dinámica de igualdade que mantivo a emoción ata o último alento. Para o tempo de descanso a vantaxe era visitante, cun 14-15. Xa cando o marcador da Sangriña anunciaba no minuto 25 da segunda parte, ambas escuadras mantiñan o empate cun 24-24. Só uns segundos despois do tempo morto de Carlos Herrera, Patrícia Lima anotou no apoio o 25-25.
Con moito en xogo, tanto Rocasa como Guardés se deixaron ver nerviosos durante o encontro. A enésima perda de balón chegou, e Valero foi quen de aproveitala anotando desde os seis metros e dando a vantaxe as galegas. María Gomes lanzouna fóra e Silvia Navarro parou para que María González en segunda ondada axustase o 26-26 a falta dun minuto e medio.
A tivo Paula Arcos nos seis metros cun un para un, e cun empullón decantou o partido. Os árbitros sinalaron os sete metros desde os cales anotou Paulina Buforn o que xa sería o 27-26 definitivo, con 45 segundos por diante para a bocina final.
O adestrador visitante apurou as súas últimas opcións con Haridian Rodríguez e Alba Spugnini, que se colocaron nos seis metros. A defensa local foi superior e desesperou a un Rocasa Gran Canaria que perdeu o último balón do partido.
Cunha explosión de felicidade galega, o Atlético Guardés puido festexar co seu público un trunfo importantísimo, con dous puntos máis que poden dar o subcampionato, e obtidos nun encontro moi igualado e rifado.
A galería do Guardés – Rocasa
1. Guardés vs Rocasa / SPORTCOECO
Guardés vs Rocasa / SPORTCOECO
2. Guardés vs Rocasa / SPORTCOECO
Guardés vs Rocasa / SPORTCOECO
3. Guardés vs Rocasa / SPORTCOECO
Guardés vs Rocasa / SPORTCOECO
4. Guardés vs Rocasa / SPORTCOECO
Guardés vs Rocasa / SPORTCOECO
5. Guardés vs Rocasa / SPORTCOECO
Guardés vs Rocasa / SPORTCOECO
6. Guardés vs Rocasa / SPORTCOECO
Guardés vs Rocasa / SPORTCOECO
7. Guardés vs Rocasa / SPORTCOECO
Guardés vs Rocasa / SPORTCOECO
8. Guardés vs Rocasa / SPORTCOECO
Guardés vs Rocasa / SPORTCOECO
9. Guardés vs Rocasa / SPORTCOECO
Guardés vs Rocasa / SPORTCOECO
10. Guardés vs Rocasa / SPORTCOECO
Guardés vs Rocasa / SPORTCOECO
11. Guardés vs Rocasa / SPORTCOECO
Guardés vs Rocasa / SPORTCOECO
12. Guardés vs Rocasa / SPORTCOECO
Guardés vs Rocasa / SPORTCOECO
13. Guardés vs Rocasa / SPORTCOECO
Guardés vs Rocasa / SPORTCOECO
14. Guardés vs Rocasa / SPORTCOECO
Guardés vs Rocasa / SPORTCOECO
15. Guardés vs Rocasa / SPORTCOECO
Guardés vs Rocasa / SPORTCOECO
16. Guardés vs Rocasa / SPORTCOECO
Guardés vs Rocasa en A Sangriña / SPORTCOECO
17. Guardés vs Rocasa / SPORTCOECO
Guardés vs Rocasa / SPORTCOECO
18. Guardés vs Rocasa / SPORTCOECO
Guardés vs Rocasa / SPORTCOECO
19. Imaxe de arquivo. Guardés vs Rocasa / SPORTCOECO
Guardés vs Rocasa / SPORTCOECO
20. O público na Sangriña no Guardés vs Rocasa / SPORTCOECO
O público na Sangriña no Guardés vs Rocasa / SPORTCOECO
21. Guardés vs Rocasa / SPORTCOECO
Guardés vs Rocasa / SPORTCOECO
22. Guardés vs Rocasa / SPORTCOECO
Guardés vs Rocasa. Celebración / SPORTCOECO
23. Guardés vs Rocasa / SPORTCOECO
Guardés vs Rocasa / SPORTCOECO
24. Guardés vs Rocasa / SPORTCOECO
O público no Guardés vs Rocasa / SPORTCOECO
25. Guardés vs Rocasa / SPORTCOECO
Guardés vs Rocasa / SPORTCOECO
FICHA TÉCNICA
ATLÉTICO GUARDÉS (14+13): África Sempere (1), Sandra Santiago (2), Martina Mazza, Lorena Pérez (2), Estefanía Descalzo, Miriam Sempere, Paulina Pérez (3), Patrícia Lima (3), Rosario Urban (3), Paula Arcos (3), Sarah Valero (9), Carla Gómez, Marisol Carratú, Erika Rajnohová, Laura Morais e Daniela Moreno (1).
ROCASA GRAN CANARIA (15+11): Melania Falcón, Iara Grosso (5), Paula Valdivia (1), Agni Zygoua (2), Alba Spugnini (4), Saynabou Mbengue, Haridian Rodríguez (5), Silvia Navarro, María Gomes (5), Ana Belén Palomino, Tiddara Trojaola (2), María González (1), Mizuki Hosoe (1) e Adriana Marksteiner.
RESULTADO CADA 5 MIN: 0-1, 3-4, 6-6, 9-10, 11-13, 14-15 (descanso), 17-17, 19-19, 21-21, 23-23, 24-25, 27-26 (final).
ARBITRAXE: Rafael A. García Mosquera (Andalucía) e Alberto Rodríguez Rodríguez (Galicia). Excluíron por parte das locais a África Sempere e Estefanía Descalzo e das visitantes a Zygoura, Spugnini e Haridia Rodríguez.
INCIDENCIAS: Partido correspondente á xornada 6 do Grupo por el Título de la Liga Guerreras Iberdrola disputado no pavillón da Sangriña con público (200 persoas).
