O Atlético Guardés suma outra vitoria na Liga Guerreras Iberdrola. O fixo ante un loitador Puerto del Carmen, que obrigou ás galegas a manterse concentradas, pero non foron capaces de superalas en ningún momento. O resultado final foi dun 21-25 (10-13 ao descanso).
Este foi un duelo instranscendente ao que a clasificación e futuro de ambos equipos se refire. O Puerto del Carmen, colista, competirá co grupo de descenso por salvar a categoría. Pola súa parte, o Guardés cumpre co trámite de recuperar esta oitava xornada e xa ten asegurado o seu posto no podio da táboa.
As canarias puntuan primeiro
O conxunto local foi o encargado de abrir o marcador grazas a Keyla Hernández. As canarias adiantáronse así e lograron unha mínima renta cun segundo tanto que poñía o 2-1, pero o Atlético Guardés non tardou en recuperarse e deixar atrás as imprecisións para facerse coa dianteira.
O adestrador galego, José I. Prades decidiu solicitar un tempo morto no minuto 21:06, cando o electrónico informaba do 7-10, para dar máis ritmo ao partido e aumentar a distancia fronte ás rivais.
Porén, os erros nas perdas de balón e as boas defensas de ambos conxuntos e a gran actuación das dúas gardametas conxelaban o marcador. Finalmente, o descanso chegaría co 10-13.
O Guardés consolidou a vitoria na segunda metade
Á volta do descanso, o Guardés mantivo en todo momento a súa vantaxe e superioridade na pista. O Puerto del Carmen chegou a poñerse a un só gol nos primeiros minutos desta segunda metade, pero as galegas solventaron a ameaza sen problemas.
A renda entre ambos conxuntos ampliouse tras a exclusión de Topic e Morales nas filas canarias, feito que aproveitaron as galegas para crecer no marcador (13-17).
Os minutos finais foron unha alternancia de puntos en ambos conxuntos, quedando sempre as galegas por riba. Así, e con dúas grandes paradas de Sempere e Piantini como broche final, rematou o partido no 21-25.
Con esta vitoria, o Guardés é líder virtual, con dous duelos máis disputados que o Bera Bera. En total, as de Prades acumulan 22 puntos, en once de trece trunfos.
1. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
2. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
3. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
4. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
5. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
6. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
7. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
8. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
9. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
10. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
11. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
12. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
13.
14. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
15. Puerto del Carmen vs Atlético Guardés / LANZAROTE DEPORTIVA
Puerto del Carmen vs Atlético Guardés / LANZAROTE DEPORTIVA
Así segue a axenda do Guardés
O segundo compromiso das de Prades nesta semana será ante o Rincón Fertilidad Málaga, o próximo sábado, día 6. O duelo entre galegas e andaluzas será a última xornada ligueira, polo que as de A Guarda pernoctarán xoves e venres na localidade malagueña.
O encontro disputarase ás 18:30 horas e será retransmitido por Teledeporte.
FICHA TÉCNICA
21) LANZAROTE – PUERTO DEL CARMEN (10+11): Keyla Hernández (4), María del Carmen Sánchez (4), Suely Pinto, Eva Morales, Kenia Hernández (1), Beatriz Betancort (1), Lucía Betancort (2), Rosa Álvarez (3), Atteneri Morales (1), Madeleine Noelia Cortez, Mónica Cabrera (1), Antonella Valentina Piantini, Caterina Benedeti (3), Carla Hernández, Neus Llorens (1), Sladjana Topic.
25) CLUB BALONMÁN ATLÉTICO GUARDÉS (13+12): África Sempere (1), Sandra Santiago (4), Lorena Pérez (3), Descalzo, Miriam Sempere, Paulina Pérez (5), Patrícia Lima, Cristina Barbosa, Rosario Urban (1), Paula Arcos (4), Sarah Valero (2), Carla Gómez (1), Marisol Carratú, Erika Rajnohová (1), Laura Morais y Daniela Moreno (3).
RESULTADO CADA 5 MINUTOS: 1-1, 3-5, 5-9, 7-10, 9-12, 10-13 (descanso), 13-15, 14-17, 16-19, 17-20, 19-21, 21-25 (final).
ÁRBITROS: Jordi Ausás Busquets e Carlos Luque Cabrejas (Cataluña). Excluiron por parte das locais a Mónica Cabrera e das visitantes a Cristina Barbosa e Carla Gómez.
INCIDENCIAS: Partido correspondente á Xornada 8 do Grupo A da Liga Guerreras Iberdrola disputado no pavillón municipal de Tías a porta pechada.
