O Atlético Guardés gañou en Barakaldo nun partido da Liga Guerreras de no que regresou a capitá, África Sempere. O 0-3 de inicio, sen ser unha renda excesivamente ampla, converteuse nun salvavidas para o equipo de José Ignacio Prades, ao que se lle atascaron os finais: tanto o do primeiro acto como os minutos decisivos do partido.
A aguerrida defensa local levou o marcador do 7-11 do minuto 22:33 ao 9-11 que pechou a primeira parte. As de Rodríguez puxéronse mesmo a un (10-11), pero o equipo galego foise soltando de face a portaría e atallando balóns para desesperación local até o 18-23. De novo, se nubló o Guardés e as zuazotarras puideron maquillar o marcador até o 22-24 final.
O Guardés abriu brecha nos primeiros minutos (0-3) e aínda que as locais tiraban do carro por medio de Alba Sánchez ou Ainhoa Hernández foron xogando a rebufo todo o partido. A renda de catro goles asinada por Daniela Moreno antollábase cómoda. Ou iso parecía.
A defensa local, moi activa e pondo en aprietos ás de Prades obrigaba ao técnico visitante a parar o partido co 7-11 (Minuto 23:24) xa que a renda do electrónico non se traducía en comodidade sobre a pista. Maddi Aalla e Marisol Carratú deixábanse notar en portaría e un Zuazo máis acertado axustaba até o 9-11 do descanso, cuns últimos minutos (desde o 22:30 máis ou menos) nos que se puido ver a África Sempere participando en ataque e en defensa.
No comezo do segundo tempo o Zuazo, incansable, colocábase a un (10-11). Descalzo apuntouse uns 7 metros que non fallou Paulina Buforn (10-12) e aínda que Oihane Manrique mantiña de novo a desvantaxe mínima (11-12) de novo Buforn facía a goma para o 11-13.
Nese toma e daca, o Guardés empezou a ler mellor a defensa zuazotarra, moi aberta, e Arcos atopou espazo para coarse e anotar. Recuperouse un balón e Buforn á contra recuperou o +4 case nun dicir amén. Mesmo se sumou Sandra Santiago, moi contundente, para culminar un parcial de 0-4 (11-16) que rompeu Alba Sánchez desde 7m (12-16).
Grazas a estas rendas mantívose con vida o Guardés, porque o Zuazo, con Aalla moi acertada baixo paus, chegou ao 15-17 que obrigou a Prades a pedir o seu segundo tempo morto do partido.
O Atlético Guardés estaba obrigado a espabilarse e buscar coarse entre liñas da defensa aberta das de Rodríguez. Pérez circulou desde o extremo (15-18). Alba Sánchez, a máxima anotadora local, atinaba de novo desde 7m (16-18).
Lima dirixía con intelixencia e liberaba ao extremo para que Buforn lanzase sen problema (16-19). Arcos (16-20), que ademais lograba a exclusión de Erauskin. Pérez, de vaselina, 16-21.
As guardesas gustábanse, gozaban e causaban o caos local. Quedaban menos de 15 minutos para o final do partido e parecía que a vitoria xa estaba encarrilada.
O retorno de África Sempere
O que o Atlético Guardés non sabía era que o Zuazo aínda non ía baixar os brazos. Aínda tivo algunha intervención Míriam Sempere -relevou a Carratú-, pero o Zuazo aproveitábase dun equipo visitante ofuscado e que de novo se desconectaba nos últimos minutos.
Do 18-23 pasouse ao 22-24 final. Un partido que deixa, ademais do resultado, o regreso da capitá: África Sempere.
FICHA TÉCNICA:
22 ZUBILETA EVOLUTION BM ZUAZO (9+13): Estíbaliz Velasco, Ainhoa Hernández (3), Oihane Manrique (1), Alba Sánchez (8), Ariadna González, Isa Fdez-Agustí (2), Maider Barros, Maddi Aalla, Ana Arozamena, June Loidi, Ane Encina (5), Anne Erauskin (2), Naia Puigbo, Maddi Bengoetxea (1), Anne Romero e Magda Fdez-Agustí.
24 CB ATLÉTICO GUARDÉS (11+13): África Sempere, Sandra Santiago (4), Lorena Pérez (4), Estefanía Descalzo (2), Miriam Sempere, Paulina Pérez (8), Patrícia Lima (2) , Cristina Barbosa, Paula Arcos (3), Carla Gómez, Marisol Carratú, Erika Rajnohová, Laura Morais e Daniela Moreno (1).
RESULTADO CADA CINCO MINUTOS: 0-3, 1-4, 4-7, 6-9, 7-11, 9-11 – descanso-, 11-15, 13-16, 16-19, 18-23, 19-24, 22-24 (final).
ÁRBITROS: Luis Colmenero e Víctor Rollán (Castilla y León). Excluíron por parte das locais a Alba Sánchez, Ane Encina e Maddi Bengoetxea e das visitantes a Lorena Pérez, Paula Arcos e Laura Morais.
INCIDENCIAS: Partido correspondiente á xornada 4 do Grupo A da Liga Guerreras Iberdrola disputado en Lasesarre con espectadores. As xogadoras luciron lazos rosas nun xesto de sensibilidade con Día Internacional do Cancro de Mama que se conmemora este luns 19 de outubro.
