O Guardés tópase con Castellanos e cae na ida da EHF (18-23)

O Atlético Guardés deberá remontar cinco goles de desvantaxe se quere estar por primeira vez nunha final europea. O conxunto que adestra José Ignacio Prades perdeu por 18-23 (10-13 ao descanso) ante o Rincón Fertilidad Málaga no partido de ida das semifinais da EHF European Cup.

O encontro tivo como protagonista indiscutible á porteira internacional española Merche Castellanos que fixo nada menos que 16 paradas e asinou un 59% de efectividade. Enorme! Deste xeito, a eliminatoria resolverase o vindeiro sábado 3 de abril a partir das 19:00 horas no polideportivo malagueño de Ciudad Jardín.

Carla Gómez do At. Guardés ante o Rincón Fertilidad Málaga / © SPORCOECO

Ambos os dous conxuntos desaproveitaron as súas primeiras accións, pero ao segundo intento o Málaga abriu a lata para empezar a marcar a súa velocidade. Merche Castellanos xa fixo a súa carta de presentación: primeira parada a Paula Arcos que se coou á perfección entre a defensa andaluza.

Moi rápido, Espe López puña o 0-2. Segunda parada de Castellanos. O preludio dun auténtico recital. E á terceira, Rajnohová soltou un lanzamento de cadeira que non deixou marxe de reacción á porteira visitante (1-2). Primeiros cinco minutos de partido e un ritmo trepidante sobre a pista.

Unha Castellanos en racha sumada a erros do Guardés

Tamén Carratú parou, pero a réplica malagueña non se fixo esperar. E o partido empezou a coller un guion que non presaxiaba nada bo para o Guardés: enésima parada de Castellanos, enésima perda de balón. Sucedíanse os pases que non se finalizaban, malas decisións, faltas en ataque, pasos… e aínda que as galegas eran vítimas dos seus propios erros, deixaban boas sensacións no 40×20 cun ataque posicional ben exposto ao que unicamente lle faltou máis atino de care a portaría. 3-6, 4-6, 4-7, 5-7 e ao fío do minuto 15, no 14:59, Prades pedía tempo morto para pór orde nas súas filas.

A porteira Carratú At. Guardés ante o Rincón Fertilidad Málaga / ©SPORCOECO

Outros pasos de Rajnohová, maxia de Arderíus e canonazo de Santiago (6-8). Aguantaba o Atlético Guardés ante os goles de Rojas, Pérez ou Sánchez e en parte grazas ás paradas tímidas de Carratú. E chegaron as primeiras rotacións para dar aire ás locais: Moreno por Urban no extremo dereito, por exemplo.

Púxose o Atlético Guardés a un (7-8) no que se estaba convertendo nunha toma e daca. O Málaga tampouco brillaba en ataque posicional e os rexistros mantíñanse discretos no marcador.

Apareceu Carla Gómez, tamén nas filas andaluzas entrou Estela Doiro. Pero as locais seguían a rebufo e María Pérez puña o +3. De novo, facendo a goma 8-10, 8-11 e 8-12 para acender as alarmas. Pero apareceu Míriam Sempere e pareceu que o partido tomaba outra cor.

Erika Rajnohová se eregía como líder do Atlético Guardés e a lectura da primeira parte, a pesar do resultado adverso, convidaba á esperanza. Tres abaixo e trinta minutos para ler mellor os lanzamentos a Castellanos, rearmarse en defensa e reducir as perdas de balón.

O Atlético Guardés comezou o segundo acto rascando un sete metros que anotou Paula Arcos (11-13) e apostando por abrir un pouco máis o seu defensa. Máis reactividad para obstaculizar a circulación de balón do Málaga e unha parada de Sempere que daba opcións ás locais para porse a 1? sen éxito.

Paula Arcos do At. Guardés ante o Rincón Fertilidad Málaga / ©SPORCOECO

Tampouco o Málaga atinó á seguinte -nova parada de Sempere– e á seguinte excepcional circulación de Sarah Valero pola linea de seis metros para porse a un (12-13). Un espellismo. Cúmulo de adversidades e 13-17 ao marcador.

Rosario Urban, do At. Guardés ante o Rincón Fertilidad Málaga / ©SPORCOECO

Pintou fea a caída de Arderíus, que se torceu o nocello e aínda que ás de Suso Gallardo parecía que se lle acumulaban os problemas (na tarde de hoxe non puido contar co pivote Paula García -non viaxou por lesión-, nin coa Guerreira Sole López -con molestias) as malagueñas se enconmendaron á súa velocidade e a Merche Castellanos baixo paus para cimentar a súa vitoria.

Arderius puido volver á pista e foi a encargada de asinar o último gol, o quinto de vantaxe para o seu conxunto na eliminatoria. Tentou o Guardés por todos os medios que o Málaga non lograse gañar por primeira vez na Sangriña (dobre pivote, mixta a Doiro…), pero ás de José Ignacio Prades non queda máis remedio que abonarse ás remontadas.

1 de 11

- +

Rajnohova, do At. Guardés ante o Rincón Fertilidad Málaga / ©SPORCOECO

Miriam Sempere, do At. Guardés / ©SPORCOECO

Paula Arcos e Daniel Moreno do At. Guardés / ©SPORCOECO

Sandra Marqués, do At. Guardés ante o Rincón Fertilidad Málaga, ao fondo a meta Castellanos / ©SPORCOECO

1. Rajnohova, do At. Guardés ante o Rincón Fertilidad Málaga / ©SPORCOECO

Rajnohova, do At. Guardés ante o Rincón Fertilidad Málaga / ©SPORCOECO

2. Miriam Sempere, do At. Guardés / ©SPORCOECO

Miriam Sempere, do At. Guardés / ©SPORCOECO porteira

3. Rosario Urban, do At. Guardés ante o Rincón Fertilidad Málaga / ©SPORCOECO

Rosario Urban, do At. Guardés ante o Rincón Fertilidad Málaga / ©SPORCOECO

4. Paula Arcos e Daniel Moreno do At. Guardés / ©SPORCOECO

Paula Arcos e Daniel Moreno do At. Guardés / ©SPORCOECO

5. Sandra Marqués, do At. Guardés ante o Rincón Fertilidad Málaga / ©SPORCOECO

Sandra Marqués, do At. Guardés ante o Rincón Fertilidad Málaga / ©SPORCOECO

FICHA TÉCNICA

18) CLUB BALONMAN ATLÉTICO GUARDÉS (10+8): Marisol Carratu (p), Paula Arcos (3), Rajnohova (3), Sara Valero (2), Pérez, P. (3), Lorena Pérez. (1) e Rosario Urban (1) – sete inicial –. Tamén xogaron: Miriam Sempere (p), África Sempere (), Sandra Marques (3), Cecilia (), Estefanía Descalzo (), Patricia da Silva Lima (1), Carla Gómez (), Laura Morais () e Daniela Moreno ().

23) RINCÓN FERTILIDAD MÁLAGA (13+10): Mercedes Castellanos (p), Sánchez (3), Espe López (3), Rocío Rojas (3), Arderius (3), Isabelle dos Santos Medeiros (1) e Gutiérrez (2) – sete inicial –Tamén xogaron: Virginia Fernández (p), Rocío Campigli (1), Sole López (), Pérez (3), Estela Doiro (1) e Sara Bravo (3)

PARCIAIS CADA 5 MIN.: 1-2, 2-5, 5-7, 7-10, 9-12 e 10-13 – descanso – 13-15, 14-17, 15-18, 16-19, 16-20 e 18-23.

ÁRBITROS: Michail Mertikian e Evangelos Syrepiras (Grecia). Excluíron por parte do equipo galego do At. Guardés ás xogadoras Paula Arcos e Lima, mentres que pola parte do conxunto malagueño a Almudena Gutiérrez, Laura Sánchez e Rocío Rojas (2).

INCIDENCIAS: Encuentro correspondiente á ida de semifinais da EHF European Cup 2020/2021, celebrado no Pavillón A Sangriña da Guarda con presenza dos equipos de base do club local, a xunta directiva, representantes de patrocinadores e autoridades. O aforo do recinto deportivo estaba limitado por mor da pandemia de COVID-19, tal e como marcan as autoridades galegas neste momento de pandemia a causa da situación sanitaria.