O Guardés sofre o maleficio das semifinais (28-32)

O Atlético Guardés repetiu o guión dramático da Copa da Raíña. Tras regresar ás semifinais coperas castro anos despois, o equipo galego caeu ante o Aula Alimentos de Valladolid por un tanteo final de 32-28.

Durante o encontro, que tivo un ritmo vertixinoso, Lulú Guerra foi a gran protagonista. As xogadoras que adestra o técnico José Ignacio Prades entraron ben ao partido, condicionadas no seu xogo pola baixa de última hora de Rosario Urban. Rapidamente, o equipo de Miguel Ángel Peñas foi capaz de imprimir ao xogo o ritmo veloz que as caracteriza.

Tras desfacerse no anterior partido do Liberbank Gijón por un 30-24, o conxunto do Baixo Miño tiña a súa oportunidade de acadar por primeira vez a final copeira, de facer historia. Pero desta vez o Aula Alimentos de Valladolid foi o temido rival que xa fora o Super Amara Bera Bera noutras edicións.

Atlético Guardés vs Aula Alimentos na semifinal da Copa da Raíña / RFEBM -José J. Núñez — Atlético Guardés vs Aula Alimentos de Valladolid na semifinal da Copa da Raíña, saúdo / RFEBM -José J. Núñez

Á fin do encontro, África Sempere expresou o contento do equipo por chegar ata esta fase, pero admitiu que o plantel confiaba en pasar á final. “Críamos que se podía e faltounos estar máis concentradas cara portería. Creo que aí estivo o noso fallo e hai que seguir mellorando e aprendendo”.

África Sempere: “Críamos que se podía e faltounos estar máis concentradas cara portería”

O Guardés mantivo o pulso nos primeiros minutos

O Bm. Atlético Guardés comezou o partido cun sete case cuspido ao do partido ante as asturianas, co único cambio de Daniela Moreno por Rosario Urban no extremo dereito. Patrìcia Lima puxo o primeiro despois de que ambos equipos cometeran as súas primeiras perdas.

O segundo foi de Paula Arcos, seguido por unha parada de Marisol Carratú, como previa dunha preciosa rosca da central portuguesa para o 0-3. No minuto 3, Estefanía Descalzo tivo que deixar a pista por expulsión. Entón, Cris Cifuentes desde os sete metros estreou o casilleiro vallisoletano e Molés á contra puxo o 3-2.

Lulú Guerra parou pero o rexeitamento de Lorena Pérez puxo o 3-2. O Aula Alimentos de Valladolid quería correr e apretar e buscaba aumentar o ritmo do partido, Amaia González de Garibay machacou á contra e tamén á carreira puxo Elena Cuadrado o empate a cinco. Co 5-6 José Ignacio Prades pedía o primeiro tempo morto do encontro cando pasaran oito minutos. Un parcial 3-0 das contrarias botaba por terra o bo inicio galego e o Atlético Guardés quedou obrigado a remar a contracorrente.

Patrìcia Lima movía ao equipo, pero ante tanto pase o Aula Alimentos de Valladolid adiantaba a súa defensa e Cris Cifuentes atallaba o balón intelixentemente. Unha falta en ataque do Aula Alimentos de Valladolid mostraba a un equipo vallisoletano máis frouxo, pero o Atlético Guardés non aproveitou para igualar o marcador. Lorena Pérez estrelaba unha contra ante Lulú Guerra e á seguinte dobre castigo para as galegas: gol de Elena Cuadrado e exclusión de Buforn por empullón.

O adestrador das galegas, José Ignació Prades, quería aguantar a igualdade numérica e coa portería baleira o Atlético Guardés era capaz de construir o seu ataque: 8-7 con gol de Patricia Lima e 8-8 cun tanto de Paula Arcos. No minuto 13:45 Paulina recuperaba desde os sete metros a vantaxe que perdera desde o 4-5. Así, o minuto 15 chegou cun 9-9.

Outra exclusión, a de Carla Gómez no 16, penalizaba en exceso á defensa e non pasara nin medio minuto cando chegou a exclusión a Paula Arcos, seguida dunha amonestación a José I. Prades. O equipo galego seguiu aguantando mantendo o empate co paso dos minutos.

Ambos adestradores comezaron a calibrar os esforzso das súas xogadoras. Co gol de Gómez o Atlético Guardés apagouse. O Aula Alimentos de Valladolid solicitou tempo morto e asinou un parcial 2-0 que rematou a primeira parte no 14-16.

Sen opción na segunda parte

O Guardés esforzábase por facer as cousas ben, pero as xogadas xa non saían. O Aula Alimentos de Valladolid tiña a Lulú Guerra enchufadísima en portería, frustrando as oportunidades galegas.

O marcador pasou a lucir a máxima desvantaxe do partido cun 14-18. Sandra Santiago, vendada no cuádriceps esquerdo, para anotar un gol a favor das do Baixo Miño. Perda das vallisoletanas e 18-15 no minuto 35 asinado por Valero. A defensa galega deixaba ao Aula Alimentos de Valladolid martillenado cun portente lanzamento exterior.

Ao Atlético Guardés custáballe achegarse ás rivais e con sufrimento e as intervencións de Sempere baixo paus puxeron un esperanzador 22-20 no marcador. Unha boa defensa e balón para poñerse a un por primeira vez en moitos minutos. Pero as xogadoras que adestra o técnico José Ignacio Prades de novo quedaron a tres puntos.

O banco moveuse, pero o equipo non era capaz de sobreporse a si mesmo. As do Baixo Miño baleiráronse sobre a pista, e asinaron unha derrota que bota por terra os soños galegos de estar na final. Ao remate, 28-32 no marcador electrónico e fin do soño copeiro para as da Guarda.

Galería fotográfica

Desfruta aquí de todas as imaxes do encontro das semifinais da Copa da Raíña de balonmán.

1 de 25

- +