O Atlético Guardés sufriu de novo ante o Zubileta Evolution-Bm. Zuazo, como xa sucedeu na primeira volta, para levarse o partido (25-23). Un partido de Liga Guerreras Iberdrola que tivo que adiantarse, xa que esta fin de semana as galegas xogarán a competición europea.
Grazas a unha brillante defensa na segunda metade, sumada ás intervencións en momentos claves de Carratú e á insistencia de Sarah Valero, as de Prades conseguiron adxudicarse a vitoria ante o seu próximo rival copero.
O Guardés pisáballe os talóns ao Zuazo na primeira parte
No comezo do partido, as locais do Atlético Guardés saíron algo frías á pista, ante un Balonmano Zuazo que tivo recentemente varios casos de COVID-19 no seu plantel e tivo que facer unha corentena. Porén, as vizcaínas adiantáronse pronto no marcador. En pouco máis dun minuto, as visitantes marcaban dous goles, nunha penetración de Magdalena Fernández-Agustí e unha contra ben executada da súa irmá Isa.
Pola contra, as galegas tiñan problemas para atopar espazos no 6-0 defensivo vasco pero Arcos, de penetración, e Santiago, de lanzamento exterior, conseguiron empatar 2-2.
No seguinte parcial o ritmo do partido ralentizouse e os erros trababan a ambos equipos. Valero foi excluída, pero o Zuazo só puido marcar a posta vacía a través de Loidi nunha perda local. A vía de Arcos polo lado dereito era a única fórmula que seguían as guardesas, volvendo a empatar.
Ambos técnicos, Prades no bando local e Rodríguez no visitante, apostaban por un 6-0 defensivo cun único cambio, Santiago por Descalzo no ataque galego e Hernández por Puigbó no vasco.
Os fallos nos lanzamentos e perdas eran unha constante aos dous lados da pista e por iso o adestrador guardés decidiu facer un cambio. Santiago saía para ser sustituida por Bugorn, deixando a Arcos no lateral esquerdo. Unha modificación que deu os seus frutos
Valero e Gómez, en posición de pivote, comezaron a recibir con maior facilidade e forzaban tres sete metros ben convertidos pola primeira liña ibicenca.
Con todo, Barros, Loidi e Hernández mantiñan ao Zuazo por diante do Atlético Guardés pola mínima. O cambio de poder chegou grazas ao tanto de Lorena Pérez, ao borde do descanso. Unha vantaxe que medrou algo máis nos seguintes minutos, grazas a Santiago.
As visitantes non baixaban os brazos e unha penetración de Bengoetxea e a exclusión de Rajnohova seguinda da de Prades por protestar unha falta non sinalada, permitiron que as vascas empataran. Así chegou a pausa, co marcador informando do 12-12.
O Guardés salvou o partido nos instantes finais
Despois do paso por vestiarios, o Atlético Guardés buscou a forma de subir unha marcha o ritmo do partido. Buforn e Lima, con grandes lanzamentos exteriores, superaban a Aallà e enlazaban con Valero nos seis metros. Neste segundo tempo, a pivote logrou mellorar a súa actuación da primeira parte e asinou seis goles.
Pola súa banda, o Zuazo guiábase por Magdalena Fernández-Agustí como opción máis clara. Cos acertos de Arcos e Valero, o Guardés situábase xa a tres goles por riba.
Lonxe de rendirse, as vascas enfilaban ben e Erauskin desde o extremo achegaba ao seu equipo ás galegas. Despois dun vaivén de tantos, Carratú despexou o empate case logrado por Encina na contra. Moreno deu osíxeno ao seu equipo, pero Isa Fernández-Agustí encontrou o espazo no exterior para volver a apretar o marcador.
A falta de once minutos para o final, Prades solicitou un tempo morto e fixo entrar a África Sempere como acompañante de Valero, con sete xogadoras de campo. A arriscada aposta saíulle ben ao conxunto galego, grazas á astucia de Valero e os goles de Buforn de penalti e lanzamento exterior.
Carratú detivo dous penaltis, o primeiro no minuto 54 a Loidi para evitar que o Zuazo materializase o gol e outro a Bengoetxea para sellar a vitoria a dous minutos do final.
Podes revivir o partido grazas ao seguinte video:
FICHA TÉCNICA
25) CLUB BALONMANO ATLÉTICO GUARDÉS (12+13): Sempere, Moreno (1), Arcos (3), Valero (7), Descalzo, Lima (2) e Pérez (2) – sete inicial -. Tamén xogaron: Santiago (2), Buforn (7), Gómez, Rajnohova (1), A. Sempere e Carratú (p.s.)
23) ZUBILETA EVOLUTION BM ZUAZO (12+13): Aallà, Erauskin (2), Bengoetxea (4), M. Fernández-Agustí (5), Hernández (1), Loidi (5) e Isa Fernández-Agustí (3) – sete inicial -. Tamén xogaron: Puigbó, Barros (1), Encina (1), Velasco (1), Sánchez e González (p.s.)
RESULTADO CADA 5 MINUTOS: 2-2, 4-3, 6-6, 7-8, 10-9, 12-12 –descanso- 15-14, 18-16, 20-19, 21-20, 23-21 e 25-23
ÁRBITROS: Sergio Rodríguez e Andrés Rosendo (Galicia). Exclusións: Valero, Rajnohova (2) e Arcos por Atlético Guardés e Barros e Puigbó por Zuazo.
INCIDENCIAS: Partido correspondiente a la Xornada 11 do Grupo A da Liga Guerreras Iberdrola disputado en A Sangriña a porta pechada.
