A mellor xogadora da Liga Guerreras Iberdrola 2020/2021 continuará no Atlético Guardés. O club miñoto e Paula Arcos prolongan unha relación máis que frunctífera para ambas partes.
“Estou moi orgullosa de formar parte deste proxecto un ano máis”, asegurou a xogadora, deseosa xa de “coñecer ás novas compañeiras” na próxima tempada.
“Sobre todo, estou con moitas ganas de que sexa un ano fabuloso”, expresou a internacional. Arcos tamén quixo manda unha mensaxe á afección: “Teño moitísimas ganas de veros a todos na Sangriña e poder desfrutar desta afección que temos. Vémonos pronto!”
Nuestra MVP @PaulaArcos10 tiene algo que deciros 🤩.#SeguimosXuntas pic.twitter.com/kLuKVU8nIf
— Atlético Guardés (@Atlguardes_ofic) June 25, 2021
O conxunto dirixido por José I. Prades viviu unha explosión dunha xogadora que sobrepasou a máis optimista das expectativas e a alicantina acadou, con só 19 anos, o subcampionato de Liga, o debut como internacional absoluta e o premio Vincen Muñoz, no que todos os adestradores recoñeceron á primeira liña do Guardés ocmo a xogadora máis valiosa da competición.
Nesta tempada, Arcos anotou 94 goles e demostrou ser unha xogadora desequilibrante en calquera das tres posicións da primeira liña. A súa velocidade e explosividade chegaron a cotas altísimas, que por momentos volvérona imparable cando penetraba nas defensas rivais.
Arcos seguirá progresando da man do Guardés
Con esta renovación, Arcos continuará coa súa meteórica progresión na Sangriña e o club que preside Jesús López garante un factor diferencial na loita por volver a estar o máis arriba posible en todas as competicións.
A petretí inicia este domingo en Andorra a segunda fase de preparación da Selección Española para uns Xogos Olímpicos de Toquio nos que aspira a estar, xa que a lista preliminar de 22 xogadoras quedará en 16.
Laura Morais e Cristina Barbosa deixan o club
No apartado de baixas, o Atlético Guardés despide a dúas xogadoras. Laura Morais e Cristina Barbosa non seguirán vinculadas ao club galego na vindeira tempada.
O propio equipo agradécelles todo o esforzo ás dúas canteiras, e deséxalles o mellor para o seu futuro.
Baixas.
Laura Morais e Cristina Barbosa deixan de ser xogadoras do Atlético Guardés. Grazas polo voso esforzo e por representar á nosa canteira. Desexámosvos o mellor para o futuro e ogallá os nosos camiños se crucen de volta. pic.twitter.com/60AYPHlxXC
— Atlético Guardés (@Atlguardes_ofic) June 25, 2021
