- O Guardés presentou unha serie de accións dentro dunha campaña contra a violencia de xénero co gallo do 25N que inclúe un partido e unha campaña en redes sociais.
- O lema da campaña é “A loita continúa”, en sintonía co slogan que acompaña á campaña de socios do club desta tempada.
O Mecalia Atlético Guardés confirma o seu compromiso na loita pola igualdade. Durante todo este mes de novembro, o club participará na campaña NON contra a violencia de xénero da man coa Secretaría Xeral para o Deporte da Xunta de Galicia, cuxa presentación realizouse o pasado 1 de novembro na sede administrativa do equipo. A iniciativa inclúe como evento principal un partido dedicado, que será o correspondente á novena xornada da Liga Guerreras Iberdrola o próximo martes 12 de novembro, así coma outras actividades de difusión nas redes sociais.
🟣 O venres presentamos a campaña NON contra a violencia de xénero da man de @deporte_galego
🤾♀️ Partido dedicado o martes 12 de novembro ás 20:30 na Sangriña contra @cbm_elche
💪 O lema é “A loita continúa”, en lembranza da vixencia desta lacra#ALoitaContinúa #OLegadoContinúa pic.twitter.com/kOiujnWGqQ
— Mecalia Atlético Guardés (@Atlguardes_ofic) November 5, 2024
A presentación da campaña celebrouse o pasado venres 1 de novembro ás 12.00 horas nas oficinas do Club, no pavillón da Sangriña, coa presencia da adestradora do Mecalia Atlético Guardés, Ana Seabra; a súa capitana, Míriam Sempere; e a súa delegada, Gloria Rodríguez, así como de tódalas xogadoras do plantel.
No acto informouse sobre os detalles do evento principal desta campaña, un partido dedicado que corresponde á novena xornada da Liga Guerreras Iberdrola 2024/2025. Disputarase o próximo martes 12 de novembro ás 20.30 horas no pavillón da Sangriña entre o Mecalia Atlético Guardés e o Atticgo Bm. Elche, escollendo a data máis próxima posible ao 25 de novembro, Día Internacional para a eliminación da violencia contra as mulleres.
Á súa vez, durante o partido realizaranse outros actos simbólicos para lembrala importancia da loita contra a violencia de xénero.
Ver esta publicación en Instagram
O lema da campaña escollido polo club é “A loita continúa”, en sintonía co slogan que acompaña ao equipo dende que se lanzou a campaña de socios para esta tempada 2024/2025, e que lembra a vixencia da lacra que supón a violencia de xénero, contra á que aínda queda moito camiño que percorrer.
