Este sábado visita ao Atlético Guardés o Rocasa Gran Canaria. O partido do conxunto que adestra José Ignacio Prades está fixado para ás 19:00 horas do sábado 8 de maio no Pavillón da Sangriña. O partido será arbitrado polos colexiados galegos Rafael A. García Mosquera (Andalucía) e Alberto Rodríguez Rodríguez.
No resto da xornada, sexta deste grupo que loita polo título na Liga Guerreras Iberdrola, celebraranse tamén os seguintes cruces:
- Super Amara Bera Bera – BM Elche Visiteelche.com 8/5/21 19:00 h Pavillón Municipal José Antonio Gasca.
- Aula Alimentos Valladolid – Liberbank Gijón 9/5/21 Pavillón Huerta del Rey
- Rincón Fertilidad Málaga – KH-7 BM Granollers 12/5/21 19:30 h Polideportivo Ciudad Jardín
Polo momento o Super Amara Bera Bera lidera á clasificación con 21 puntos seguido do Atlético Guardés con 15 e o rival das galegas desta semana, o Rocasa Gran Canaria que ten 13 puntos. Trátase, polo tanto, dunha estupenda ocasión para as da Guarda de poñer terra de por medio coas súas perseguidoras máis inmediatas (que teñen un partido menos) e, ao mesmo tempo, mirar de recurtar distancias coas líderes.
A relación de goleadoras da categoría está comandada por Aida Palicio Fernández do Liberbank Gijón cunha media de 6 goles por partido, seguida de Adriana Cardoso de Castro do Super Amara Bera Bera con 5,4 empatada pola guardesa Paula Arcos. A cuarta praza é para outra xogadora do Atlético Guardés, Buforn que ten unha media de 5,2 goles por partido.
