O Club Balonmán Atlético Guardés xa está en Málaga disposto a remontar a semifinal da EHF European Cup que enfronta ás xogadoras que adestra José Ignacio Prades co Rincón Fertilidad Málaga. No partido de ida, disputado na Sangriña, as galegas caeron por un tanteo de 18-23. Agora están obrigadas a remontar esos cinco goles de diferencia.
O partido terá lugar mañá, sábado 3 de abril ás 19:00 horas no Pavillón Polideportivo Ciudad Jardín de Málaga. Dirixirán o partido os colexiados Alain Rauchs e Philippe Linstor (Luxemburgo), xunto ao luso Manuel Conceiçao. O partido será retransmitido por Canal Sur – Andalucía TV, así como pola segunda canle da Televisión de Galicia e DAZN.
O maior escollo que o Club Balonmán Atlético Guardés se atopou no partido de ida foi a unha omnipresente Castellanos. A guardameta das malagueñas foi un pesadelo para as galegas e deu ao traste unha e outra vez cos seus intentos de ver porta.
O Guardés viaxou a Málaga en autobús
A expedición do club galego, con plantilla e corpo técnico ao completo, está xa en terras andaluzas, logo de viaxar á noite en autobús. O equipo que adestra o técnico José Ignacio Prades tiña previsto adestrar esta tarde na cancha de xogo na que mañá, sábado, se medirán ao Rincón Fertilidad Málaga.
