O Mecalia Atlético Guardés levou a vitoria nun vibrante derbi galego, resolvido ao seu favor nun tramo final no que soubo manexar mellor os nervios que o seu reival. O Conservas Orbe Rubensa BM Porriño foi por diante en gran parte do encontro, pero no último cuarto do partido apareceu o xene competitivo do equipo dirixido por Prades para darlle a volta a unha desvantaxe que chegou a ser de catro goles.
Carratú, excelsa na portería, mantivo no encontro ás súas cando máis sufrían para acabar tombando a resistencia da exporteria do Mecalia, Estela Carrera, brillante durante todo o encontro.
O Municipal non bastou para frear ao Guardés
O himno galego atronou no Municipal do Porriño antes do asubío inicial. Confraternización e emoción. Tanto na pista como na bancada. O equipo visitante apertou de saída para adquirir dous tantos de vantaxe. Pouco durou. O Porriño axustouse ben en defensa e rapidamente neutralizou a renda para levar o encontro a un escenario de igualdade.
A entrega era máxima en ámbolos dous conxuntos, que alternaban acertos con erros nos seus ataques. Carratú detivo dous lanzamentos de sete metros e Miriam Sempere, varias accións de xogo corrido. Con todo, as súas compañeiras non terminaban de aproveitalo na portería contraria con varios fallos no lanzamento e algunha perda de balón.
Froito desta situación, o Porriño adquiriu tres goles de vantaxe no último terzo do primeiro acto (10-7). A antiga garda mallas do Guardés, Estela Carrera, encadeou varias paradas consecutivas que frearon ao conxunto miñoto, castigado con varios sete metros en contra, algún deles máis que discutible.
Deste xeito, o colectivo porriñés mantívose arriba no marcador e así chegou ao descanso (12-8).
💚 ¡Disfruta de las mejores imágenes del derbi gallego de la @IberdrolaDHF #DerbidasNosas! 🔛
👉🏻 @BmPorrino 21:22 @Atlguardes_ofic
#SheLovesHandball #LigaGuerrerasIberdrola pic.twitter.com/vlDqklJWCw— Liga Guerreras Iberdrola (@IberdrolaDHF) April 15, 2022
O Porriño estragou o bo facer no tramo final
A segunda metade continuou por similares camiños ata que o Guardés fixo click. Unha exclusión de Maider Barros puxo en superioridade ao conxunto miñoto, que apertou ao máximo o acelerador. Carratú, que saíu na segunda parte, produciu desde a portería. E en ataque, María Sancha deulle desde o banco unha marcha máis ao seu equipo. Isto traduciuse no empate cando o partido non alcanzara aínda o seu último cuarto (15-15).
O partido entrou entón en senllas exhibicións de ambas as porteiras. Carratú e Carrera, compañeiras no Guardés campión de Liga de 2017, encadearon parada tras parada para evitar que as súas adversarias collesen vantaxe.
O equipo que prepara José Ignacio Prades manexou mellor os nervios e un gol de Carla Gómez sentenciou a falta de 30 segundos e deixou en nada o tanto final de Caro Bono.
Despedimos este fermoso día dando grazas:
🔥 A toda a nosa afección por darnos folgos.
🤝 Ó @BmPorrino por facer posible esta festa e ás mil persoas que encheron ó pavillón.
👏 Ás xogadoras dos dous equipos por inspirar ás cativas. Así construimos o futuro do noso deporte. pic.twitter.com/STOpUffemU— Mecalia Atlético Guardés (@Atlguardes_ofic) April 13, 2022
FICHA TÉCNICA
21) CONSERVAS ORBE RUBENSA PORRIÑO (12+9): Estela Carrela (p.), Ayelén Rosález (p.), Bego Otero (p.); Caro Bono (6), Mica Casasola (3), Erica Tavares (1), Inés Hernández, Aitana Santomé (3), Arima López, Ari Portillo, Maider Barros (5, Sarai Samartín (1), Haridian Rodríguez, Sandra Fernández, Thais Fermo (2) e Carme Castro.
22) MECALIA ATLÉTICO GUARDÉS: (8+14): Marisol Carratú (p.), Míriam Sempere (p.),Márian Mera (p.); Sandra Santiago (2), Nazaret Calzado (1), Carolina Silva, Lorena Pérez, Ángela Nieto (4), Estefanía Descalzo, Patrícia Lima (3), Paula Arcos (5), Carla Gómez (1), María Sancha (3), Gabriela Pessoa (4) e Daniela Moreno (1).
EQUIPO ARBITRAL: Óscar García e Andrés Rosendo. Excluieon dous minutos ás xogadoras locais Haridian
Rodríguez, Aitana Santomé, Maider Barros e Sarai Samartín e ás visitantes Nazaret Calzado, Gabriela Pessoa e Patrícia Lima.
INCIDENCIAS: Partido aprazado da décimo quinta xornada da Liga Guerreras Iberdrola, disputado no pavillón Municipal do Porriño
