- Victoria moi importante do Mecalia Atlético Guardés nun duelo directo fronte ao KH-7 BM Granollers.
- O conxunto miñoto mantén o seu invicto como local, e o cadro catalán continúa sen coñecer a vitoria a domicilio.
A Sangriña continúa sendo un fortín para o Mecalia Atlético Guardés. O sexto e o sétimo clasificado da liga Guerreras Iberdrola enfrontáronse hoxe no Pavillón da Sangriña, un encontro que se saldou con vitoria para o conxunto local (34-31).
Nos primeiros compases do partido, tanto o Mecalia Atlético Guardés como o KH-7 BM Granollers comezaron un tanto imprecisos nas súas posesións, realizando constantes perdas de balón. Os dous equipos buscaron desde o principio realizar ataques rápidos e finalizar lanzamentos de maneira veloz.
Por mor do primeiros cinco minutos, o conxunto miñoto foi mellorando en ataque a pasos axigantados. Ceci Cacheda tomou o mando dirixindo as posesións locais e, xunto a ela, unha acertada Pauli Fernández logrou poñer en vantaxe ao combinado galego durante a maioría do primeiro tempo.
Con todo, o KH-7 BM Granollers non se desconectou do partido e foi recortando distancias. O cadro catalán estivo moi acertado nos seus lanzamentos, logrando unha gran efectividade. A pequena diferenza que entre os dous equipos, na primeira miatd, foi a solidez defensiva. Nese aspecto, as xogadoras que prepara a adestradora Cristina Cabeza estiveron máis acertadas no primeiro tempo.
A pesar de que as visitantes estiveron por baixo no marcador durante toda a primeira metade, a igualdade no primeiros trinta minutos foi máxima. Grazas a unha dobre parada de Pamela Rodrigues, o Mecalia Atlético Guardés non logrou distanciarse no marcador e chegou ao descanso vencendo pola mínima (15-14).
O cadro catalán do KH-7 BM Granollers comezou o segundo tempo anotando na súa primeira posesión, e poñendo as táboas no electrónico (non había empate desde o minuto 3 de partido).
Se a igualdade a primeira parte xa era un aspecto para destacar, na segunda foi total. Ambos os equipos contaron por gol case todos os seus tiros a porta, cunha efectividade goleadora case total.
Da mesma forma que nos primeiros 30 minutos, Pauli Fernández e Ceci Cacheda botáronse o equipo galego ás súas costas. O seu acerto sobre a pista permitiu ao Mecalia Atlético Guardés poñerse 4 tantos por encima no minuto 24, a que sería a maior vantaxe ata o momento.
A falta de escasos cinco minutos, coas locais vencendo por unha ampla marxe, as visitantes víronse obrigadas a levar a cabo ataques rápidos. Todo o contrario fixeron as xogadoras que adestra Cristina Cabeza, tratando de non precipitarse co balón e tentando non errar nos pases.
Cifuentes sentención para o Guardés
Con varios goles nos últimos minutos, o KH-7 BM Granollers colocouse dous por baixo a falta dun par de minutos e deulle toda a emoción do mundo ao final do partido. A pesar diso, un gol de Cris Cifuentes sentenciou o partido e puxo o 34-31 final para o conxunto galego do Mecalia Atlético Guardés.
No próximo partido, o Mecalia Atlético Guardés visitará a Comunidade Valenciana para enfrontarse ao Elda Prestigio, na sétima xornada da liga Guerreras Iberdrola. O partido disputarase dentro de dúas semanas por mor do parón de seleccións.
FICHA TÉCNICA
34) MECALIA ATLÉTICO GUARDÉS (15+19): Estela Carrera (p.), Cecilia Cacheda (8), María Palomo
(3), Pauli Fernández (5), Cristina Cifuentes (2), Itziar Martínez (2), Elena Amores (6), -7
inicial- María Sancha (1), Míriam Sempere (p.), África Sempere (5), Ania Ramos
(1), Sandra Radovic (1), Andreza Almeida, Carmen Magallanes y Marta Vicente (p.).
31) KH-7 BM GRANOLLERS (14+17): Marta Mera (p.), Ana González (6), Cristina Polonio (3), Jana Castañera, Ona Vila (1), Lea Míriam (1), Giulia Guarieiro (5) ,-7 inicial- , Ariana Clara Montserrat (4), Nerea Guell, Anthia Espiñeira , Kadidiatou Jallow, Ester Somaza (11), Carla González, Alba Tort y Pamela Rodrigues(p.).
PARCIAIS: 2-1, 5-3, 8-6, 12-9, 14-12, 15-14 – descanso – 19-17, 23-21, 26-24, 28-27, 32-28 e 34-31.
EQUIPO ARBITRAL: Abel Juncal López e Ángel Mateos Alonso. Amonestaron con cartón amarelo á xogadora visitante Giulia Guarieiro (min. 51) . Excluíron con dous minutos ás deportistas visitantes Lea Míriam (min. 4), Jana Castañera (min. 31) e máis a Lea Míriam (min. 44).
INCIDENCIAS: Partido estrela da sexta Xornada da Liga Guerreras Iberdrola, disputado NO Pabellón de A Sangriña na Guarda.
